Belgrad—2021. 26-oktabr kuni 3 nafar o‘zbekistonlik bokschi jang qiladi: Hasanboy Do‘stmatov dastlabki bosqichdayoq Tokio Olimpiadasi sovrindoriga qarshi

Serbiyaning Belgrad shahrida o‘tayotgan boks bo‘yicha Jahon chempionatining ikkinchi kunida uch nafar o‘zbekistonlik musobaqada o‘z yurishini boshlaydi.

Rio—2016 Olimpiadasi chempioni Hasanboy Do‘stmatov 1/8 finaldayoq kuchli raqibga qarshi ringga ko‘tariladi. Unga Tokio—2020 Olimpiadasi bronza medali sovrindori qozog‘istonlik Saken Bibossinov raqib bo‘ladi.

Shuningdek, Saidjamshid Ja’farov va Odiljon Aslonov Jahon chempionatidagi debyutini o‘tkazadi.

• -80 kg. Odiljon Aslonov — Yusuf Changalave (Tanzaniya) – 19:30 dan so‘ng;
• -51 kg. Hasanboy Do‘stmatov — Saken Bibossinov (Qozog‘iston) – 21:00;
• -75 kg. Saidjamshid Ja’farov — Lukas Fernetsa (Slovakiya) – 23:10 dan keyin.