Futbol bo‘yicha 23 yoshgacha bo‘lgan futbolchilar o‘rtasidagi Osiyo chempionati saralash bosqichi doirasidagi D guruhidan o‘rin olgan o‘yinlar Toshkentda o‘tkaziladi. Bu haqda taniqli futbol mutaxassisi Alisher Nikimbayev xabar berdi.
Qayd etilishicha, D guruhidagi o‘yinlarga mezbonlik qilishi kerak bo‘lgan Kuvayt bahslarni qabul qilishni rad etgan. Shundan so‘ng OFK shoshilinch ravishda Kuvayt o‘rniga yangi mezbon izlagan, O‘zbekiston va Saudiya Arabistoni esa musobaqaning guruh o‘yinlariga mezbonlik qilishni taklif qilgan. Shu tariqa bahslarga mezbonlik qilish O‘zbekistonga berilgan.
Dastlabki o‘yinlarning Toshkentda 27-oktabr sanasida o‘tkazilishi qo‘shimcha qilingan.
Ma’lumot o‘rnida, D guruhidan O‘zbekiston bilan birga Saudiya Arabistoni va Bangladesh terma jamoalari o‘rin olgan. Musobaqada Timur Kapadze boshchiligidagi O‘zbekiston U-21 terma jamoasi qatnashadi.
Izoh (0)