Futbol bo‘yicha Italiya A Seriyasining 8-turida “Yuventus” va “Roma” jamoalari 17-oktabr, yakshanba kuni o‘zaro to‘qnash keldi.
Uchrashuvning 16-daqiqasida turinliklar hisobni ochdi: Federiko Bernardeskining zarbasidan keyin to‘p Moyze Kinga tegib, darvozadan joy oldi. Birinchi bo‘lim yakunida rimliklar hisobni tenglashtirishi mumkin edi, biroq Jordan Veretu penaltidan unumli foydalana olmadi.
Qolgan vaqtda hisob o‘zgarmadi. Eldor Shomurodov 81-daqiqada zaxiradan maydonga tushdi.
Ushbu g‘alabadan keyin “Yuventus” ochkolarini 14 taga yetkazib olgan holda 7-o‘ringa ko‘tarildi. “Roma” esa 15 ochko bilan 4-pog‘onada qolmoqda.
“Napoli” Viktor Osimhenning yagona goli evaziga “Torino”ni mag‘lub etdi. “Atalanta” esa safarda “Empoli”dan yirik hisobda ustun keldi.
Top-5 ligalar onlayn jadvallari, o‘yinlar taqvimi, to‘purarlar ro‘yxati — ko‘rish.
A Seriya
8-tur bahslari
17-oktabr, yakshanba
“Yuventus” — “Roma” 1:0
Gol: 1:0 – 16 Kin.“Yuventus”: Shchensni, Danilo, Kyellini, Bonuchchi, De Shilyo, Aleks Sandro, Kuadrado, Lokatelli, Bentankur, Kin (Morata, 71), Kyeza (Kulusevski, 71), Bernardeski (Artur, 76).
“Roma”: Ruy Patrisiu, Karsdorp, Manchini, Rojer, Vinya, Mxitaryan, Veretu (Shomurodov, 81), Kristante, Pellegrini, Zaniolo (ash-Shaaravi, 26), Abraham.
Ogohlantirishlar: Shchensni (41), Abraham (45), De Shilyo (49), ash-Shaaravi (70), Shomurodov (85), Danilo (87), Manchini (89), Karsdorp (90+3).
Izoh (0)