Футбол бўйича 23 ёшгача бўлган футболчилар ўртасидаги Осиё чемпионати саралаш босқичи доирасидаги D гуруҳидан ўрин олган ўйинлар Тошкентда ўтказилади. Бу ҳақда таниқли футбол мутахассиси Алишер Никимбаев хабар берди.
Қайд этилишича, D гуруҳидаги ўйинларга мезбонлик қилиши керак бўлган Кувайт баҳсларни қабул қилишни рад этган. Шундан сўнг ОФК шошилинч равишда Кувайт ўрнига янги мезбон излаган, Ўзбекистон ва Саудия Арабистони эса мусобақанинг гуруҳ ўйинларига мезбонлик қилишни таклиф қилган. Шу тариқа баҳсларга мезбонлик қилиш Ўзбекистонга берилган.
Дастлабки ўйинларнинг Тошкентда 27 октябрь санасида ўтказилиши қўшимча қилинган.
Маълумот ўрнида, D гуруҳидан Ўзбекистон билан бирга Саудия Арабистони ва Бангладеш терма жамоалари ўрин олган. Мусобақада Тимур Кападзе бошчилигидаги Ўзбекистон U-21 терма жамоаси қатнашади.
Изоҳ (0)