Futbol bo‘yicha Italiya A Seriyasining 8-turida “Milan” 16-oktabr, shanba kuni “Verona” bilan bahs yuritdi.
Milanda o‘tgan o‘yinning 7-daqiqasida hisob ochildi, Janluka Kaprari himoyachilarning xatosidan foydalanib, ajoyib zarbasi bilan hisobni ochdi. 24-daqiqaga kelib, mehmonlar 11 metrlik jarima zarbasidan urilgan gol evaziga hisobni oshirib oldi.
Biroq milanliklar ikkinchi bo‘limda ketma-ket uchta gol urishning uddasidan chiqib, g‘alabani ilib ketdi. Dastlab Olivye Jiru qanotdan oshirilgan to‘pni boshi bilan darvozaga joylab qo‘ydi, Frank Kessie esa penaltini aniq amalga oshirib, muvozanatni tikladi. Stefano Pioli jamoasiga g‘alaba keltirgan golga Koray Gyunter mualliflik qildi, “Verona” himoyachisi o‘z darvozasini ishg‘ol etib qo‘ydi.
Ushbu g‘alabadan keyin “Milan” 22 ochko bilan peshqadamlik qilmoqda. “Verona” esa 12-o‘rindan joy olgan.
“Inter” safarda “Latsio” bilan bahs yuritdi va 1:3 hisobida mag‘lubiyatga uchradi. Rim klubi safida Chiro Immobile, Felipe Anderson va Sergey Milinkovich-Savich o‘z nomini tabloga yozdirib qo‘ygan bo‘lsa, Milan jamoasining yagona goliga Ivan Perishich mualliflik qildi.
“Inter” 17 ochko bilan 3-o‘rinda bormoqda, “Latsio” (14) g‘alabadan keyin 5-o‘ringa ko‘tarildi.
A Seriya
8-tur bahsi
16-oktabr, shanba
“Milan” – “Verona” 3:2
Gollar: 0:1 – 7 Kaprari, 0:2 – 24, penalti Barak, 1:2 – 59 Jiru, 2:2 – 76, penalti Kessie, 3:2 – 78, avtogol Gyunter.“Milan” – Teterushanu, Kalabriya, Romanyoli, Tomori, Ballo-Ture, Kessie, Bennaser (Ibrahimovich, 77), Salemakers (Kastilyexo, 46), Jiru (Tonali, 82), Rebich (Rafael Leau, 36), Maldini (Krunich, 46).
“Verona” – Montipo, Faraoni, Chekkerini (Shutalo, 46), Gyunter, Kazale, Lazovich (Kanchelyeri, 79), Velozu (Tamez, 60), Barak, Ilich, Kalinich (Lazanya, 64), Kaprari (Simeone, 60).
Ogohlantirishlar: Chekkerini (5), Kalinich (25), Kazale (38), Velozu (54), Ballo-Ture (81).
“Latsio” – “Inter” 3:1
Gollar: 0:1 – 12, penalti Perishich, 1:1 – 64, penalti Immobile, 2:1 – 81 Felipe Anderson, 3:1 – 90 Milinkovich-Savich.“Latsio” – Reyna, Marushich, Gabarron, Luis Felipe, Hyusay (Ladzari, 66), Leyva (Kataldi, 85), Milinkovich-Savich, Bashich (Luis Alberto, 66), Pedro (Zakkani, 75), Immobile, Felipe Anderson (Akpa-Akpro, 86).
“Inter” – Handanovich, Darmian, de Vrey, Shkrinyar, Bastoni (Dumfris, 67), Dimarko, Perishich (Korrea, 67), Brozovich, Galyardini (Vesino, 67), Barella (Chalxano‘g‘lu, 86), Jeko (Martines, 76).
Ogohlantirishlar: Bashich (27), Galyardini (36), Bastoni (63), Felipe Anderson (83), Milinkovich-Savich (83), Martines (83), Dumfris (83), Korrea (87), Darmian (90).
Chetlatish: Luis Felipe (90).
Izoh (0)