Xitoyning OnePlus kompaniyasi Snapdragon 888 protsessori o‘rnatilgan OnePlus 9R modelini taqdim etdi, deb xabar beradi Hi-Tech.Mail.ru.
Smartfonga piksellari nisbati 1080x2400 bo‘lgan, tasvir yangilanish chastotasi 120 gertsga teng 6,62 dyuymli AMOLED-ekran o‘rnatilgan. Displeyning eng yuqori yorqinligi — 1300 nit.
Mazkur qurilmaning o‘zidan oldingi modeldan asosiy farqi protsessorida: OnePlus 9RT’ga Qualcomm Snapdragon 870 o‘rnatilgan bo‘lsa, yangi smartfon Snapdragon 888 chipida ishlaydi. Shuningdek, unga 8 yoki 12 gigabaytli LPDDR5 tezkor xotirasi, 128 yoki 256 gigabayt UFS 3.1 ichki xotirasi o‘rnatiladi.
Uchtalik kameraning asosiy datchigi 50 megapikselli Sony IMX766 bo‘lib, u optik barqarorlashtirgichga ham ega. Bundan tashqari, 16 megapikselli o‘ta keng burchakli va 2 megapikselli makrodatchiklar mavjud. 16 megapikselli selfi-kamera soniyasiga 30 kadr tezligida 1080r videolarni yozishga qodir (tasvirni elektron barqarorlashtirish funksiyasiga ega).
Akkumulyator sig‘imi 4500 mA/soat, 65 vattli tezkor quvvatlanish funksiyasi mavjud. Qurilma o‘yin vaqtida signalni uzluksiz qabul qilish uchun unga uchta Wi-Fi antenna o‘rnatilgan.
Xitoyda 19-oktabrdan sotuvga chiqadigan smartfon narxi 3300 yuanni (513 dollar) tashkil etadi.
Avvalroq OnePlus’ning sobiq direktoriga tegishli brend shaffof Nothing Ear TWS-naushniklarini taqdim etgani, OnePlus xalqchil Nord 2 smartfoni va Buds Pro simsiz naushnigini namoyish etgani to‘g‘risida xabar berilgandi.
Izoh (0)