Ben Geskin ismli taniqli insayder Twitter’dagi sahifasi orqali iPhone 14 lineykasidan o‘rin oladigan smartfonlar tasviri bilan bo‘lishdi. Uchtalik kameraga ko‘ra, unda Pro-modellardan biri tasvirlangan. Ta’kidlanishicha, e’lon qilingan render — bu original konsepsiya, Apple’ning rasmiy tasvirlari emas, deb xabar beradi Hi-Tech.Mail.ru.
Ben Geskin iPhone 14 smartfonlarida ko‘pchilik o‘rgangan “qosh” yo‘qolishini ta’kidlayotgan birinchi insayder emas. Uning o‘rniga hapdori shaklidagi yashirin qirqimga ega kamera konstruksiyasidan foydalanilishi mumkin. Bu kabi ko‘rinishi noodatiy bo‘lib, Android smartfonlarda deyarli uchramaydi.
Android ishlab chiqaruvchilarning hapdori shaklidagi teshiklari ekran markazida joylashmagan. Odatda ular displeyning chap qismidan o‘rin oladi. Bu esa iPhone 14 seriyasiga ajralib turish imkonini beradi. Bundan tashqari, displeyning yangi dizayni ekranning korpusga nisbatini yanada kattalashtiradi.
iPhone 14 haqida nimalar ma’lum?
Ayni vaqtda 2022-yilgi smartfonlar to‘g‘risida ma’lumotlar oz. GizChina’ning yozishicha, iPhone 14 va iPhone 14 Pro 6,06 dyuymli ekranga ega bo‘ladi, iPhone 14 Max (bu mini o‘rnini egallaydi) va iPhone 14 Pro Max’ga diagonali katta — 6,68 dyuymli displey o‘rnatiladi. Bundan tashqari, seriyadagi bazaviy modellarga — iPhone 14 va iPhone 14 Max — LTPS displeylari o‘rnatiladi, Pro va Pro Max esa LTPO displeylari bilan jihozlanadi.
iPhone 14 seriyasidagi modellarga yangi Bionic A16 protsessori o‘rnatilishi kutilmoqda. Ushbu chip 4 nanometrli texnik jarayonda yasalgan. Bazaviy iPhone 14 dan boshqa modellardan hammasi uchtalik kameraga ega bo‘ladi.
Izoh (0)