O‘zbekiston Tashqi mehnat migratsiyasi agentligi Amurdagi zavodda sodir bo‘lgan yong‘in va Moskvadagi xostelda vafot etgan mehnat migrantlari yuzasidan ma’lumot berdi.
Ma’lum qilinishicha, 8-oktabr kuni Rossiyaning Amur viloyatidagi gazni qayta ishlash zavodida yuz bergan portlash va uning oqibatida yuzaga kelgan yong‘in yuzasidan O‘zbekistonning Vladivostok shahridagi bosh konsulxonasi va Tashqi mehnat migratsiyasi agentligining Moskva shahridagi vakolatxonasi xodimlari tegishli tashkilotlar vakillari bilan tezkor aloqa o‘rnatgan.
Huquq-tartibot idoralari taqdim etgan dastalbki ma’lumotlarga ko‘ra, ushbu fojia oqibatida jabrlanganlar orasida O‘zbekiston fuqarolari yo‘q.
Shuningdek, Moskva shahridagi xostellardan birida mehnat migrantining vafot etgani bilan bog‘liq holat ham O‘zbekiston diplomatik organlari va Tashqi mehnat migratsiyasi agentligining Moskva shahridagi vakolatxonasi tomonidan nazoratga olingan.
Olingan so‘nggi ma’lumotlarga ko‘ra, shifoxonaning jonlantirish bo‘limiga yotqizilgan 3 nafar fuqaroning ahvoli qoniqarli.
Ta’kidlanishicha, ushbu holatlar bo‘yicha tergov tadbirlari rasmiy xulosasi olingach, qo‘shimcha ma’lumot beriladi.
Avvalroq Rossiyada avtohalokatga uchragan va qiyin ahvolda qolgan fuqarolar O‘zbekistonga qaytarilgani, Rossiyadagi korxona ichkilikka berilgan 47 nafar o‘zbekistonlik migrant bilan mehnat shartnomasini bekor qilib, vatanga qaytarib yuborgani to‘g‘risida xabar berilgandi.
Izoh (0)