Ўзбекистон Ташқи меҳнат миграцияси агентлиги Амурдаги заводда содир бўлган ёнғин ва Москвадаги хостелда вафот этган меҳнат мигрантлари юзасидан маълумот берди.
Маълум қилинишича, 8 октябрь куни Россиянинг Амур вилоятидаги газни қайта ишлаш заводида юз берган портлаш ва унинг оқибатида юзага келган ёнғин юзасидан Ўзбекистоннинг Владивосток шаҳридаги бош консулхонаси ва Ташқи меҳнат миграцияси агентлигининг Москва шаҳридаги ваколатхонаси ходимлари тегишли ташкилотлар вакиллари билан тезкор алоқа ўрнатган.
Ҳуқуқ-тартибот идоралари тақдим этган дасталбки маълумотларга кўра, ушбу фожиа оқибатида жабрланганлар орасида Ўзбекистон фуқаролари йўқ.
Шунингдек, Москва шаҳридаги хостеллардан бирида меҳнат мигрантининг вафот этгани билан боғлиқ ҳолат ҳам Ўзбекистон дипломатик органлари ва Ташқи меҳнат миграцияси агентлигининг Москва шаҳридаги ваколатхонаси томонидан назоратга олинган.
Олинган сўнгги маълумотларга кўра, шифохонанинг жонлантириш бўлимига ётқизилган 3 нафар фуқаронинг аҳволи қониқарли.
Таъкидланишича, ушбу ҳолатлар бўйича тергов тадбирлари расмий хулосаси олингач, қўшимча маълумот берилади.
Аввалроқ Россияда автоҳалокатга учраган ва қийин аҳволда қолган фуқаролар Ўзбекистонга қайтарилгани, Россиядаги корхона ичкиликка берилган 47 нафар ўзбекистонлик мигрант билан меҳнат шартномасини бекор қилиб, ватанга қайтариб юборгани тўғрисида хабар берилганди.
Изоҳ (0)