Agromir tomonidan iste’molchilar uchun ishlab chiqarish korxonasi va bog‘dorchilik majmuasiga sayohat uyushtirish an’anaga aylanib ulgurgan. Bu yil ham 20 nafar iste’molchilar ijtimoiy tarmoqlarda o‘tkazilgan tanlov orqali saralab olindi va to‘liq ishlab chiqarish jarayoni bilan tanishib chiqish uchun Samarqand viloyatiga taklif etildi.
Bugungi kunda Agromir tomonidan 40 dan ziyod turdagi mahsulotlar ishlab chiqariladi, jumladan, tabiiy sharbatlar va meva shiralari, sharbat konsentratlari, meva-sabzavot pasta va pyurelari, meva-sabzavot konservalari.
Kompaniya tomonidan ishlab chiqarilayotgan Bliss, Bliss Smile, Bliss Trolls, Meva deb ataluvchi sharbatlar va nektarlar, Marinelle meva-sabzavot mahsulotlari malakatimizdagi ko‘plab iste’molchilarning mehrini qozonishga ulgurgan.
Agromir’ning ahamiyatga loyiq xususiyatlaridan biri — bu uzluksiz ishlab chiqarish jarayoni. U ishlab chiqarishning barcha bosqichlarini, mevalarni yetishtirishdan tayyor mahsulotning sotilishiga qadar bo‘lgan davrni o‘z ichiga oladi.
Ishtirokchilar dastlab Agromir’ning Jomboy tumanida joylashgan bog‘dorchilik majmuasiga tashrif buyurishdi.
Ko‘pchilikka ma’lumki, mazali sharbatlarni tayyorlash jarayoni, mevalar zavodga yetib kelishidan ancha oldin boshlanadi. Mevali bog‘larda kompaniyaning xodimlari har bir mevali daraxtni ehtiyotkorlik bilan parvarish qiladilar.
“Bog‘larimizda ko‘chatlarning tez o‘sishini ta’minlaydigan intensiv bog‘dorchilik texnologiyasidan foydalaniladi, jumladan, tomchilatib sug‘orish tizimi o‘simliklarga kerakli miqdorda suv yetkazib beradi. Natijada suv va mehnat resurslari tejaladi”, — deb ma’lumot berdi bog‘dorchilik majmuasi rahbari o‘rinbosari Xurshid Olimov
E’tiborli jihati, sharbatlar uchun tabiiy mevalardan foydalganilgani kabi Marinelle konservatsiyalari uchun ham faqatgina tabiiy sabzavotlardan foydalaniladi. Chunki ushbu sabzavotlar ham kompaniyaning dalalarida xodimlarning g‘amxo‘r qo‘llari bilan yetishtiriladi.
Agromir kompaniyalar guruhi mahsulot sifatiga katta e’tibor qaratadi. Kompaniya 2015-yilda ISO/TS 22002-1 standartiga muvofiq, “Food Safety System Certification 22000” sertifikatini qo‘lga kiritgan.
Agromir zavodiga ekskursiya davomida laboratoriyalar bo‘yicha mudir Natalya Gluxova mevalarning mazali sharbatga aylanish jarayoni haqida so‘zlab berdi.
“Mevalarni tozalash uchun ulkan idishlardan foydalaniladi, ular quvurlar labirintidan o‘tganidan keyin qayta ishlanib, xushbo‘y mevali pyure va konsentratlarga aylanadi. Har bir mevaning nafaqat foydali xususiyatlari, balki tabiiy xushbo‘yligi ham saqlanib qoladi”, — deb ma’lumot berdi mehmonlarga hamrohlik qilgan Natalya Gluxova.
Yuqori sifatli sharbatlarni ishlab chiqarish uchun foydali mevalardan tashqari, ularning o‘ramiga ham e’tibor qaratiladi. Shuning uchun Agromir’da Shveysariyadan keltirilgan zamonaviy Tetra Pak texnologiyasi va o‘ramlaridan foydalaniladi. Tetra Pak o‘ramlari 6 bosqichli himoya tizimiga ega bo‘lib, sharbat va nektarlarning foydali xususiyatlari hamda ta’mini saqlab qolish imkonini beradi.
Kompaniya vakillari Marinelle brendi ostida ishlab chiqarilayotgan meva va sabzavot konservalarini ishlab chiqarish liniyasi bilan ham tanishtirib o‘tishdi. Ishtirokchilar mahsulotlarni tayyorlash jarayonini o‘z ko‘zi bilan ko‘rish imkoniyatiga ega bo‘lishdi. E’tiborli jihati, konservalarni tayyorlash uchun ozuqaviy qo‘shimchalar, konservantlar yoki sun’iy ta’m yaxshilagichlardan foydalanilmaydi. Faqatgina sabzavotlar, suv, tabiiy ziravorlar va zavod xodimlarining mehri qo‘shiladi.
O‘tkazilgan sayohat ishtirokchilarda ham unutilmas taassurotlar qoldirdi.
“Sayohat kutgandanimdan ham a’lo tarzda o‘tdi. Agromir’ning ishlash uslubi menga juda ham yoqdi. Ayniqsa kompaniya xodimlarining o‘z ishiga munosabati va mehri tahsinga loyiq. Bog‘dorchilik majmuasi va zavod bo‘ylab tashkil etilgan sayohat va mazmunli kun uchun kompaniya vakillariga minnatdorchilik bildirmoqchiman. Sayohat natijasida bir narsaga aniq ishonch hosil qildik. Agromir uchun iste’molchilarning ishonchi birinchi o‘rinda, shu sababli kompaniya mahsulotlarini bexavotir xarid qilish mumkin”, — deb fikr bildirdi sayohat ishtirokchisi Madina Xametova.
Press-tur yakunida barcha mehmonlar Samarqand shahrining go‘zal obidalari bilan yaqindan tanishib chiqish imkoniyatiga ega bo‘lishdi.
Veb-sayt: http://agromir.uz/
Facebook: https://www.facebook.com/agromir.uz/?fref=ts
Reklama huquqi asosida.
Izoh (0)