Agromir томонидан истеъмолчилар учун ишлаб чиқариш корхонаси ва боғдорчилик мажмуасига саёҳат уюштириш анъанага айланиб улгурган. Бу йил ҳам 20 нафар истеъмолчилар ижтимоий тармоқларда ўтказилган танлов орқали саралаб олинди ва тўлиқ ишлаб чиқариш жараёни билан танишиб чиқиш учун Самарқанд вилоятига таклиф этилди.
Бугунги кунда Agromir томонидан 40 дан зиёд турдаги маҳсулотлар ишлаб чиқарилади, жумладан, табиий шарбатлар ва мева ширалари, шарбат концентратлари, мева-сабзавот паста ва пюрелари, мева-сабзавот консервалари.
Компания томонидан ишлаб чиқарилаётган Bliss, Bliss Smile, Bliss Trolls, Meva деб аталувчи шарбатлар ва нектарлар, Marinelle мева-сабзавот маҳсулотлари малакатимиздаги кўплаб истеъмолчиларнинг меҳрини қозонишга улгурган.
Agromir’нинг аҳамиятга лойиқ хусусиятларидан бири — бу узлуксиз ишлаб чиқариш жараёни. У ишлаб чиқаришнинг барча босқичларини, меваларни етиштиришдан тайёр маҳсулотнинг сотилишига қадар бўлган даврни ўз ичига олади.
Иштирокчилар дастлаб Agromir’нинг Жомбой туманида жойлашган боғдорчилик мажмуасига ташриф буюришди.
Кўпчиликка маълумки, мазали шарбатларни тайёрлаш жараёни, мевалар заводга етиб келишидан анча олдин бошланади. Мевали боғларда компаниянинг ходимлари ҳар бир мевали дарахтни эҳтиёткорлик билан парвариш қиладилар.
«Боғларимизда кўчатларнинг тез ўсишини таъминлайдиган интенсив боғдорчилик технологиясидан фойдаланилади, жумладан, томчилатиб суғориш тизими ўсимликларга керакли миқдорда сув етказиб беради. Натижада сув ва меҳнат ресурслари тежалади», — деб маълумот берди боғдорчилик мажмуаси раҳбари ўринбосари Хуршид Олимов
Эътиборли жиҳати, шарбатлар учун табиий мевалардан фойдалганилгани каби Marinelle консервациялари учун ҳам фақатгина табиий сабзавотлардан фойдаланилади. Чунки ушбу сабзавотлар ҳам компаниянинг далаларида ходимларнинг ғамхўр қўллари билан етиштирилади.
Agromir компаниялар гуруҳи маҳсулот сифатига катта эътибор қаратади. Компания 2015 йилда ISO/TS 22002-1 стандартига мувофиқ, «Food Safety System Certification 22000» сертификатини қўлга киритган.
Agromir заводига экскурсия давомида лабораториялар бўйича мудир Наталя Глухова меваларнинг мазали шарбатга айланиш жараёни ҳақида сўзлаб берди.
«Меваларни тозалаш учун улкан идишлардан фойдаланилади, улар қувурлар лабиринтидан ўтганидан кейин қайта ишланиб, хушбўй мевали пюре ва концентратларга айланади. Ҳар бир меванинг нафақат фойдали хусусиятлари, балки табиий хушбўйлиги ҳам сақланиб қолади», — деб маълумот берди меҳмонларга ҳамроҳлик қилган Наталя Глухова.
Юқори сифатли шарбатларни ишлаб чиқариш учун фойдали мевалардан ташқари, уларнинг ўрамига ҳам эътибор қаратилади. Шунинг учун Agromir’да Швейцариядан келтирилган замонавий Tetra Pak технологияси ва ўрамларидан фойдаланилади. Tetra Pak ўрамлари 6 босқичли ҳимоя тизимига эга бўлиб, шарбат ва нектарларнинг фойдали хусусиятлари ҳамда таъмини сақлаб қолиш имконини беради.
Компания вакиллари Marinelle бренди остида ишлаб чиқарилаётган мева ва сабзавот консерваларини ишлаб чиқариш линияси билан ҳам таништириб ўтишди. Иштирокчилар маҳсулотларни тайёрлаш жараёнини ўз кўзи билан кўриш имкониятига эга бўлишди. Эътиборли жиҳати, консерваларни тайёрлаш учун озуқавий қўшимчалар, консервантлар ёки сунъий таъм яхшилагичлардан фойдаланилмайди. Фақатгина сабзавотлар, сув, табиий зираворлар ва завод ходимларининг меҳри қўшилади.
Ўтказилган саёҳат иштирокчиларда ҳам унутилмас таассуротлар қолдирди.
«Саёҳат кутганданимдан ҳам аъло тарзда ўтди. Agromir’нинг ишлаш услуби менга жуда ҳам ёқди. Айниқса компания ходимларининг ўз ишига муносабати ва меҳри таҳсинга лойиқ. Боғдорчилик мажмуаси ва завод бўйлаб ташкил этилган саёҳат ва мазмунли кун учун компания вакилларига миннатдорчилик билдирмоқчиман. Саёҳат натижасида бир нарсага аниқ ишонч ҳосил қилдик. Agromir учун истеъмолчиларнинг ишончи биринчи ўринда, шу сабабли компания маҳсулотларини бехавотир харид қилиш мумкин», — деб фикр билдирди саёҳат иштирокчиси Мадина Хаметова.
Пресс-тур якунида барча меҳмонлар Самарқанд шаҳрининг гўзал обидалари билан яқиндан танишиб чиқиш имкониятига эга бўлишди.
Веб-сайт: http://agromir.uz/
Facebook: https://www.facebook.com/agromir.uz/?fref=ts
Реклама ҳуқуқи асосида.
Изоҳ (0)