Pokistonning Balujiston viloyatida 5,9 magnitudali zilzila yuz berishi oqibatida kamida 20 kishi halok bo‘ldi. Bu haqda Pokistonning The News agentligi xabar berdi.
Agentlik Tabiiy ofatlarga qarshi kurash boshqarmasi direktori Nisir Nasirga asoslanib, jarohatlanganlar soni 300 kishiga yetganini xabar qildi. Jabrlanganlarning aksariyati ayollar va bolalardir.
The News xabariga ko‘ra, zilzila Kvetta, Sibi, Xarnay, Pishin, Killa Sayfulla va boshqa shaharlarga ta’sir qilgan. Mahalliy seysmologik markaz ma’lumotlariga ko‘ra, zilzila episentri Xarnaydan unchalik uzoq bo‘lmagan, shuning uchun shahar eng jiddiy zarar ko‘rgan, eng ko‘p qurbonlar ham shu yerda qayd etilgan.
Xarnay komissari o‘rinbosarining aytishicha, shaharda 50 dan ortiq odam jarohat olgan. Uning so‘zlariga ko‘ra, ayrimlar og‘ir ahvolda kasalxonalarga yotqizilgan. Rasmiylar qurbonlar soni ortishidan xavotirda.
Hukumat vakiliga ko‘ra, Xarnaydagi ba’zi binolar vayron bo‘lgan, odamlar vayronalar ostida qolgan bo‘lishi mumkin. Shaharni elektr energiyasi bilan ta’minlash uzilib qolgan.
Avvalroq “Interfaks” Rossiya Fanlar akademiyasi Yagona geofizika xizmatining Oltoy-Sayan filialidan olingan ma’lumotlarga asoslanib, Balujiston provinsiyasida kuchli zilzila sodir bo‘lgani haqida yozgandi. Zilzila markazi Sibi shahridan 83 kilometr shimolda joylashgan. Filial xodimlari zilzilani “halokatli” deb baholagan.
Izoh (0)