Jizzax viloyati IIB ijtimoiy tarmoqlarda tarqalgan bir necha ayol o‘rtasida yuzaga kelgan janjal videosi bo‘yicha rasmiy ma’lumot berdi.
Ijtimoiy tarmoqlarda o‘zaro janjallashayotgan ayollardan birini ajratishga uringan erkak ulardan birining sochini yulib olgani tasvirlangan.
Ma’lum qilinishicha, videodagi holat G‘allaorol tumani “Do‘stlik” mahallasida ro‘y bergan. Nizoga 8 yoshli bolaning fuqaro tomonidan quritishga qo‘yilgan adyolga loy oyog‘ini artishi sabab bo‘lgan. Buni ko‘rgan adyol egasi bolani qarg‘agan va janjal kelib chiqqan.
Voqea joyiga ikki nafar profilaktika inspektori yetib borib, kelishmovchilikni bartaraf qilish choralarini ko‘rgan. Holat bo‘yicha tergovga qadar tekshiruv olib borilmoqda.
Avvalroq Urganchda bir guruh ayollarning o‘zaro janjallashayotgani aks etgan video tarqalgani, Toshkentda voyaga yetmagan qizlar o‘rtasida sodir bo‘lgan janjal yuz bergani to‘g‘risida xabar berilgandi.
Izoh (0)