O‘zbekiston Ekologik partiyasidan prezidentlikka ko‘rsatilgan nomzod Narzullo Oblomurodov bugun, 29-sentabr kuni Surxondaryo viloyatiga bordi. Nomzod u yerda saylovchilar bilan uchrashib, ularning fikr-mulohazalari va qiynab turgan muammolarini tingladi. Ammo uchrashuvdan oldin qilingan amaliy ishlar ham bor.
Narzullo Oblomurodov Surxondaryoga tashrifi chog‘ida Termiz shahrining “Amudaryo” dam olish maskanida “Daraxt ekish” aksiyasida qatnashdi. Ekologik partiya lideri bu yerda birinchi ko‘chatni ekib berdi. Aksiya doirasida turli xil manzarali daraxtlar ekilishi rejalashtirilgan. Bu kabi aksiyalarni respublikaning boshqa hududlarida ham o‘tkazish ko‘zda tutilgan.
Shundan so‘ng Narzullo Oblomurodovning saylovchilar bilan uchrashuvi boshlandi. Ushbu yig‘ilishning maqsadi faqatgina saylovoldi dasturini saylovchilarga yetkazish emas, aholini qiynab turgan real muammolarni o‘rganish edi. Shu sababli nomzod ham aholidan muammolari haqida so‘rashni, bilganlari haqida gapirishni boshladi. U birinchi bo‘lib oqova suv muammosiga to‘xtaldi.
“Albatta, navbatdagi asosiy masalalardan biri oqova suvlar muammosidir. Surxondaryoda ham bu muammolar yuzasidan barcha chora-tadbirlar ishlab chiqilishi ko‘zda tutilgan”, — dedi Oblomurodov.
Kelajak yoshlarniki. O‘zbekistonning asosiy qismini ham yoshlar tashkil qiladi. Tabiiyki, saylovchilarning aksar qismi ham ular. Uchrashuvda ularga ham so‘z berildi. Termiz davlat universiteti talabasi, Yoshlar parlamenti a’zosi Ixtiyor Bahromov tengdoshlarini “yashil taraqqiyot” uchun ovoz berishga chorladi.
“O‘zbekiston Ekologik partiyasidan O‘zbekiston Prezidentligiga nomzod Narzullo Oblomurodovning ilgari surayotgan saylovoldi dasturini qo‘llab-quvvatlayman. Nimagaki, dasturda ilgari surilayotgan ‘yashil siyosat’, ‘yashil iqtisodiyot’ va ‘yashil rivojlanish’ hozirgi kunda yurtimizda rivojlanishni keskin oshirish yo‘lida xalqimiz kutayotgan siyosat deb bilaman. Chunki bugungi global ekologik muammolar sharoitida ‘yashil taraqqiyot’ eng to‘g‘ri yo‘l deb o‘ylayman.
Viloyatimiz aholisining aksariyat qismini yoshlar tashkil qiladi. Shu fursatdan foydalanib, viloyatimiz ahlini, ularning yoshlarini partiyamiz liderini qo‘llab-quvvatlashga chaqiraman. Bu ustuvor g‘oyalar kelajakda partiyamizning faoliyatida va davlat dasturlari sifatida amaliyotda qo‘llanilishiga ishonaman”, — deydi yosh saylovchi.
Sog‘lom kelajak va “yashil taraqqiyot” uchun ovoz bering.
Reklama huquqi asosida.
Izoh (0)