Ўзбекистон Экологик партиясидан президентликка кўрсатилган номзод Нарзулло Обломуродов бугун, 29 сентябрь куни Сурхондарё вилоятига борди. Номзод у ерда сайловчилар билан учрашиб, уларнинг фикр-мулоҳазалари ва қийнаб турган муаммоларини тинглади. Аммо учрашувдан олдин қилинган амалий ишлар ҳам бор.
Нарзулло Обломуродов Сурхондарёга ташрифи чоғида Термиз шаҳрининг «Амударё» дам олиш масканида «Дарахт экиш» акциясида қатнашди. Экологик партия лидери бу ерда биринчи кўчатни экиб берди. Акция доирасида турли хил манзарали дарахтлар экилиши режалаштирилган. Бу каби акцияларни республиканинг бошқа ҳудудларида ҳам ўтказиш кўзда тутилган.
Шундан сўнг Нарзулло Обломуродовнинг сайловчилар билан учрашуви бошланди. Ушбу йиғилишнинг мақсади фақатгина сайловолди дастурини сайловчиларга етказиш эмас, аҳолини қийнаб турган реал муаммоларни ўрганиш эди. Шу сабабли номзод ҳам аҳолидан муаммолари ҳақида сўрашни, билганлари ҳақида гапиришни бошлади. У биринчи бўлиб оқова сув муаммосига тўхталди.
«Албатта, навбатдаги асосий масалалардан бири оқова сувлар муаммосидир. Сурхондарёда ҳам бу муаммолар юзасидан барча чора-тадбирлар ишлаб чиқилиши кўзда тутилган», — деди Обломуродов.
Келажак ёшларники. Ўзбекистоннинг асосий қисмини ҳам ёшлар ташкил қилади. Табиийки, сайловчиларнинг аксар қисми ҳам улар. Учрашувда уларга ҳам сўз берилди. Термиз давлат университети талабаси, Ёшлар парламенти аъзоси Ихтиёр Баҳромов тенгдошларини «яшил тараққиёт» учун овоз беришга чорлади.
«Ўзбекистон Экологик партиясидан Ўзбекистон Президентлигига номзод Нарзулло Обломуродовнинг илгари сураётган сайловолди дастурини қўллаб-қувватлайман. Нимагаки, дастурда илгари сурилаётган ‘яшил сиёсат’, ‘яшил иқтисодиёт’ ва ‘яшил ривожланиш’ ҳозирги кунда юртимизда ривожланишни кескин ошириш йўлида халқимиз кутаётган сиёсат деб биламан. Чунки бугунги глобал экологик муаммолар шароитида ‘яшил тараққиёт’ энг тўғри йўл деб ўйлайман.
Вилоятимиз аҳолисининг аксарият қисмини ёшлар ташкил қилади. Шу фурсатдан фойдаланиб, вилоятимиз аҳлини, уларнинг ёшларини партиямиз лидерини қўллаб-қувватлашга чақираман. Бу устувор ғоялар келажакда партиямизнинг фаолиятида ва давлат дастурлари сифатида амалиётда қўлланилишига ишонаман», — дейди ёш сайловчи.
Соғлом келажак ва «яшил тараққиёт» учун овоз беринг.
Реклама ҳуқуқи асосида.
Изоҳ (0)