4—6-oktabr kunlari Toshkentda, 7SABER brendi ko‘magi asosida Humo Arena sport majmuasida bodibilding bo‘yicha XII jahon chempionati bo‘lib o‘tadi.
Musobaqada 150 dan ortiq delegatsiya vakillari ishtirok etadi hamda sportchilarning umumiy soni 350 nafarni tashkil qiladi.
Osiyo Olimpiya kengashi vitse-prezidenti Otabek Umarov bu haqida shunday dedi: “Davlatimiz rahbarining shaxsan sportni rivojlantirishga qaratayotgan e’tiborlari nafaqat olimpiadachilarimiz va paralimpiyachilarimizning ajoyib yutuqlarini belgilabgina qolmay, balki O‘zbekistonda yangi sport davrining boshlanishining dalolati bo‘ldi. Butun dunyo pandemiya oqibatlarini boshdan kechirishda davom etmoqda: bo‘sh o‘rindiqlar bilan o‘tadigan musobaqalar yangi voqelikning belgisiga aylandi desak mubolag‘a bo‘lmaydi. Shuning uchun muxlislar ishtirokida jahon chempionatini o‘tkazish istagi chindan ham dadil va jiddiy qadamdir. Ishonchim komilki, musobaqa tashkilotchilari barcha ehtiyot choralarini ko‘rishadi va Toshkentdagi jahon chempionati chindan ham haqiqiy sport bayramiga aylanadi”.
Jahon chempionati doirasida erkaklar va ayollar uchun musobaqada quyidagi toifalar taqdim qilingan:
- bodibilding — muskullarning eng katta hajmiga ega sportchilar bellashadigan musobaqaning eng mashhur toifasi;
- atlet-fizik — bu toifada sportchilar o‘zining mashg‘ulotlari, ovqatlanish va turmush tarzini ideal jismoniy holatiga erishish uchun tuzadilar;
- fitnes-fizik — bu toifada qaddi-qomat, elastiklik, nafislik, texnika va estetika baholanadi, bundan tashqari akrobatika elementlari ham hisobga olinadi;
- model-fizik — bu toifada sportchilar maqbul mushaklar massasiga ega kelishgan tana tuzilishlarini namoyish qilishi kerak;
- sport-fizik — bu toifada tananing vazni, tuzulishi va jismoniy holati hisobga olinadi.
Keng ko‘lamli tadbirni o‘tkazib yubormang va eng yaxshi joylar uchun chiptalarni xarid qiling: https://bit.ly/3ixe43l
Shuningdek, musobaqa YouTube kanalida ham jonli efirda uzatiladi: https://youtube.com/user/PROFORM86
Instagram: https://instagram.com/12.world.bodybuilding.uz
Telegram: https://t.me/worldbodybuildinguz
Facebook: https://www.facebook.com/12.world.bodybuilding.uz/
Reklama huquqi asosida.
Izoh (0)