“Jinoyatchining dilbandi”. Qonunni buzgan ota-onalarning mashhur farzandlari (foto)

Mashhurlardan kimlarning ota-onasi jinoyatga aralashgani haqida ma’lumot berib o‘tamiz.

Leyton Mister

Leyton bolaligida boshdan kechirgan qiyinchiliklari hammaga ham ma’lum emas. Aktrisaning ota-onasi Yamaykadan AQShga narkotik moddalar yetkazib berish bilan shug‘ullangan. Ular qo‘lga olinganda onasi Leytonga homilador bo‘lgan. Belgilangan muddatning aksariyat qismini ayol panjara ortida o‘tkazgan. O‘sha vaqtda mitti Mister dunyoga kelgan. Koni Mister 10 yilga ozodlikdan mahrum qilingan bo‘lgan, ammo ayon sababga ko‘ra ozodlikka chiqarilgan. Ota-onasi jazo muddatini o‘tayotgan vaqtda qizaloqning tarbiyasi bilan uning buvisi shug‘ullangan. Bu kabi qiyinchiliklarga qaramay, aktrisa Gollivudda mashhurlikka erishishga muvaffaq bo‘lgan. Shuningdek, u u ota-onasi haqida hamisha iliq fikrlar bildiradi.

Lindsi Loxan

Bolaligidanoq suratga tusha boshlagan aktrisa, erta mashhurlikka erishgan. Ammo voyaga yetganidan keyin spirtli ichimliklar va narkotik moddalarga o‘ralashib qolgan. Loxanning aytishicha, u ota-onasidan salbiy ma’noda o‘rnak olgan. Ular bir necha marta ajrashgan va yana topishib olgan. Otasi MayklLoxan ichkilikka ruju qo‘ygan va taqiqlangan moddalarni qabul qilgan. U mastligida rafiqasiga bir necha marta qo‘l ko‘targan. 90-yillarning oxirida Maykl qimmatbaho qog‘ozlar bilan noqonuniy operatsiyalarni amalga oshirish, shuningdek, mast holda kuch ishlatishda ayblanib ozodlikdan mahrum qilingan. Dina Loxan esa mast holda mashina boshqargani uchun 100 soatlik axloq tuzatish ishlariga jalb qilingan.

Sharliz Teron

Mashhur aktrisaning ota-onasini namunali deb atab bo‘lmaydi. 15 yosh vaqti uning ko‘z o‘ngida onasi turmush o‘rtog‘ini otib qo‘ygan. Sud vaziyatni o‘zini himoya qilish sabab yuz bergan deb qaror qilgani uchun ayol aybdor deb topilmagan. Gap shundaki, oila boshlig‘i ichkillikka mukkasidan ketgan va qizi hamda rafiqasiga muttasil qo‘l ko‘targan. Teronning muxlislari aslida u o‘q uzgani, ammo muammo bo‘lmasligi uchun onasi voyaga yetmagan qizining aybini o‘z bo‘yniga olgan bo‘lishi mumkinligini taxmin qiladi.

Shaya Labaf

Amerikalik aktyor nafaqat mashhur kinolentalardagi rollari bilan yaxshi tanish. Yulduzning otasi bir necha yil qonun himoyachilaridan yashirinib yurgan. Voyaga yetmagan bolaga nisbatan zo‘ravonlikda ayblangan Jeffi Labaf, ozodlikdan mahrum qilingan va qamoqda jazo muddatini o‘tagan. Jinoyat bilan bog‘liq tarixi borligiga qaramay aktyor, otasi bilan yaxshi munosabatda va uni suratga olish maydonchasiga bir necha marta olib kelgan.

Rouz MakGouen

Rouz so‘nggi vaqtlarda saraton bilan kasallangani sabab OAVning diqqat markazida. Bir vaqtlar esa bir necha yildan buyon kasallik bilan kurashib kelayotgan aktrisaning oilasi sariq matbuot uchun mavzu bo‘lgan edi. Diniy sektaga a’zo bo‘lgan ota-onasining harakatlari uning tarbiyasiga ta’sir qilmay qolmagan. Mitti Rouz jalb qilinishiga sal qolganida ota-onasi fikridan qaytib, odatiy hayotiga qaytgan.

Jeki Chan

Jeki Chan rollari, saxovatpeshaligi va hamisha atrofdagilarga yordam qo‘lini cho‘zishga shayligi bilan hurmat qozongan. Ammo uning ota-onasiga nisbatan bunday ta’rif berib bo‘lmaydi. Uning otasi politsiyada ishlab turib, jinoyatchi ayol bilan munosabatda bo‘lgan va bu ham yetmagandek qoradori kontrabandasi bilan shug‘ullanayotganda qo‘lga olingan. Bir vaqtlar hatto mitti Jekini yetimxonaga berib yuborishmoqchi bo‘lganliklari haqida mish-mishlar tarqalgan.

Keti Topuriya

Ko‘pchilik rus estradasi yulduzi Keti Topurining otasi jinoyatchi bo‘lganligidan bexabar. Kasbi quruvchi-arxitektor ekanligiga qaramay, Andro Topuriya narkotik moddalar savdosi vaqtida qo‘lga olingan va uch yil koloniyada umumiy tartibda jazo muddatini o‘tashga hukm qilingan. Ammo taqiqlangan moddalarni dozasidan oshirib yuborgani sabab qamoqda o‘lik holda topilgan.