«Жиноятчининг дилбанди». Қонунни бузган ота-оналарнинг машҳур фарзандлари (фото)

Машҳурлардан кимларнинг ота-онаси жиноятга аралашгани ҳақида маълумот бериб ўтамиз.

Лейтон Мистер

Лейтон болалигида бошдан кечирган қийинчиликлари ҳаммага ҳам маълум эмас. Актрисанинг ота-онаси Ямайкадан АҚШга наркотик моддалар етказиб бериш билан шуғулланган. Улар қўлга олинганда онаси Лейтонга ҳомиладор бўлган. Белгиланган муддатнинг аксарият қисмини аёл панжара ортида ўтказган. Ўша вақтда митти Мистер дунёга келган. Кони Мистер 10 йилга озодликдан маҳрум қилинган бўлган, аммо аён сабабга кўра озодликка чиқарилган. Ота-онаси жазо муддатини ўтаётган вақтда қизалоқнинг тарбияси билан унинг бувиси шуғулланган. Бу каби қийинчиликларга қарамай, актриса Голливудда машҳурликка эришишга муваффақ бўлган. Шунингдек, у у ота-онаси ҳақида ҳамиша илиқ фикрлар билдиради.

Линдси Лохан

Болалигиданоқ суратга туша бошлаган актриса, эрта машҳурликка эришган. Аммо вояга етганидан кейин спиртли ичимликлар ва наркотик моддаларга ўралашиб қолган. Лоханнинг айтишича, у ота-онасидан салбий маънода ўрнак олган. Улар бир неча марта ажрашган ва яна топишиб олган. Отаси МайклЛохан ичкиликка ружу қўйган ва тақиқланган моддаларни қабул қилган. У мастлигида рафиқасига бир неча марта қўл кўтарган. 90 йилларнинг охирида Майкл қимматбаҳо қоғозлар билан ноқонуний операцияларни амалга ошириш, шунингдек, маст ҳолда куч ишлатишда айбланиб озодликдан маҳрум қилинган. Дина Лохан эса маст ҳолда машина бошқаргани учун 100 соатлик ахлоқ тузатиш ишларига жалб қилинган.

Шарлиз Терон

Машҳур актрисанинг ота-онасини намунали деб атаб бўлмайди. 15 ёш вақти унинг кўз ўнгида онаси турмуш ўртоғини отиб қўйган. Суд вазиятни ўзини ҳимоя қилиш сабаб юз берган деб қарор қилгани учун аёл айбдор деб топилмаган. Гап шундаки, оила бошлиғи ичкилликка муккасидан кетган ва қизи ҳамда рафиқасига муттасил қўл кўтарган. Тероннинг мухлислари аслида у ўқ узгани, аммо муаммо бўлмаслиги учун онаси вояга етмаган қизининг айбини ўз бўйнига олган бўлиши мумкинлигини тахмин қилади.

Шая Лабаф

Америкалик актёр нафақат машҳур киноленталардаги роллари билан яхши таниш. Юлдузнинг отаси бир неча йил қонун ҳимоячиларидан яшириниб юрган. Вояга етмаган болага нисбатан зўравонликда айбланган Жеффи Лабаф, озодликдан маҳрум қилинган ва қамоқда жазо муддатини ўтаган. Жиноят билан боғлиқ тарихи борлигига қарамай актёр, отаси билан яхши муносабатда ва уни суратга олиш майдончасига бир неча марта олиб келган.

Роуз МакГоуэн

Роуз сўнгги вақтларда саратон билан касаллангани сабаб ОАВнинг диққат марказида. Бир вақтлар эса бир неча йилдан буён касаллик билан курашиб келаётган актрисанинг оиласи сариқ матбуот учун мавзу бўлган эди. Диний сектага аъзо бўлган ота-онасининг ҳаракатлари унинг тарбиясига таъсир қилмай қолмаган. Митти Роуз жалб қилинишига сал қолганида ота-онаси фикридан қайтиб, одатий ҳаётига қайтган.

Жеки Чан

Жеки Чан роллари, саховатпешалиги ва ҳамиша атрофдагиларга ёрдам қўлини чўзишга шайлиги билан ҳурмат қозонган. Аммо унинг ота-онасига нисбатан бундай таъриф бериб бўлмайди. Унинг отаси полицияда ишлаб туриб, жиноятчи аёл билан муносабатда бўлган ва бу ҳам етмагандек қорадори контрабандаси билан шуғулланаётганда қўлга олинган. Бир вақтлар ҳатто митти Жекини етимхонага бериб юборишмоқчи бўлганликлари ҳақида миш-мишлар тарқалган.

Кети Топурия

Кўпчилик рус эстрадаси юлдузи Кети Топурининг отаси жиноятчи бўлганлигидан бехабар. Касби қурувчи-архитектор эканлигига қарамай, Андро Топурия наркотик моддалар савдоси вақтида қўлга олинган ва уч йил колонияда умумий тартибда жазо муддатини ўташга ҳукм қилинган. Аммо тақиқланган моддаларни дозасидан ошириб юборгани сабаб қамоқда ўлик ҳолда топилган.