Bugun,

  • USD 11095.31
  • RUB 173.84
  • EUR 10772.44

Jurnalist Nargiza Murodova og‘ir kasalliklarni boshdan kechirgan o‘zbekistonlik mashhurlar bilan suhbat uyushtirdi.

 “Alvido, infarkt”

Foto: Muqaddas Xoliqovaning shaxsiy arxividan

Foto: Muqaddas Xoliqovaning shaxsiy arxividan

O‘zbekiston xalq artisti Muqaddas Xoliqova 2013-yilda infarkt xastaligiga chalingan. Bir necha oylik davolanishlardan so‘ng u oyoqqa turgan. Ammo hamon yuqori qon bosimi va yurak sanchishlari uni qiynaydi.

“Bunga e’tibor bermayman, - deydi aktrisa kulib. – Kasallik haqida o‘ylashning o‘zi yarim xastalik. Shu bois hayotdan zavq olib, oilam va muxlislarim uchun hamisha go‘zal ko‘rinishga harakat qilaman”.

“Xotira yo‘qolishining azobi”

Foto: Valijon Shamsiyevning shaxsiy arxividan

Foto: Valijon Shamsiyevning shaxsiy arxividan

Qiziqchi Valijon Shamsiyev xotirasini bir necha kun yo‘qotgani va koma holatiga tushganidan xabaringiz bormi? Valijon Shamsiyev “O‘g‘lon” filmining suratga olish jarayonida bir necha metr balandlikdan sakrayotganda boshi bilan yerga tushgan. Bu ijodkorga juda qimmatga tushib, avval Buxoroda, undan so‘ng Toshkentda davolangan.

“Ko‘zimni ochib kim ekanligimni eslolmaganman, uch oyda sekin-asta xotiram tiklangan”, - deydi Valijon Shamsiyev.

“Tos suyagi sinishi”

Foto: Ahror Usmonovning shaxsiy arxividan

Foto: Ahror Usmonovning shaxsiy arxividan

Xushovoz xonanda Ahror Usmonov 2016-yilning 22-iyun kuni yaqinlari bilan tog‘ga qadam olish uchun chiqib ketayotganda mudhish avariyaga uchragan. Mashinadagilarning bari jiddiy jarohatlar bilan kasalxonaga yotqizilgan. Shifokorlar xonandaga tos suyagining sinishi tashxisini qo‘yishgan.

“Avariyadan so‘ng uch oy karavotdan qo‘zg‘alishlariga yo‘l qo‘ymaganmiz. Chunki tos suyagi inson gavdasini tik tutishda muhim ahamiyatga ega. Jarohatning noto‘g‘ri bitishi ham og‘ir oqibatlarga olib keladi”, - deydi xonandaning turmush o‘rtog‘i Gulbahor Usmonova. – Uch oydan so‘ng oyoqqa turib, yura boshlagan. Ammo bir yilga qadar erkin harakatlanishlari qiyin kechgandi.

“Ichak chirishi”

Foto: Aziz Bekmurodovning shaxsiy arxividan

Foto: Aziz Bekmurodovning shaxsiy arxividan

“Kipriklari uzun qiz” deya katta sahnaga chiqqan Azizbek Bekmurodov ham og‘ir dardni boshdan kechirgan. 2016-yili to‘satdan tobi qochgan xonandada ingichka ichak bilan bog‘liq jiddiy xastalik aniqlangan.

“Ingichka ichagimning 2 metri chirish jarayonida ekan, - deydi xonanda Azizbek Bekmurodov. – Tomog‘imdan ovqat ham o‘tmay qoldi, oylab to‘shakka mixlanganimni-ku tasvirlab berolmayman”.

Xonanda ikkita jarrohlik amaliyotini boshidan o‘tkazgan. Ammo jarohat ichak bilan bog‘liq bo‘lgani uchun shifokorlar bir muddat qo‘shiq kuylamaslikni tavsiya qilishgan.

“Qandli diabet”

Foto: Tohir Mahkamovning shaxsiy arxividan

Foto: Tohir Mahkamovning shaxsiy arxividan

Xushovoz xonanda Tohir Mahkamov tug‘ma qandli diabet xastaligi bilan kurashadi. Xastalik bir necha yil avval oyoqlariga ham o‘z ta’sirini o‘tkazgandi.

“Dadam muntazam dori ichib, ovqatlanish ratsioniga amal qiladi, - deydi xonandaning o‘g‘li Ibrohimjon. – Kasalligidan nolimasligi ko‘pchilikni hayron qoldiradi”.

“Zaharlanish”

Foto: Oypopuk Eshonxonovaning shaxsiy arxividan

Foto: Oypopuk Eshonxonovaning shaxsiy arxividan

Xonanda Oyxon Eshonxonova ham og‘ir xastalikni boshdan o‘tkazgan. U ovqatdan zaharlanish oqibatida uzoq vaqt tanasidagi toksinlar bilan “kurashgan”. Hatto bir necha bor murakkab jarrohlik amaliyotini ham boshdan kechirgan.

“Immunitetim nihoyatda past. Shu bois farzandlarim sog‘lig‘imga jiddiy e’tibor berishadi. Kundalik ovqatlanish ratsionim ham hamisha e’tiborda, - deydi xonanda. – Sport bilan muntazam shug‘ullanaman va tabiiy usullarda immunitetimni ko‘tarishga harakat qilaman. Chunki dori-darmondan charchaganman”.

Izoh
Asosiy yangiliklar
Mahalliy
Oʻzbekistonda yashil energetika davri boshlanganiga uch yil boʻldi. Nimalar oʻzgardi?
Mahalliy
Fotoreportaj: Prezident tashrifiga tayyorgarlik ko‘rayotgan Namangan
Sport
Lionel Messi Krishtianu Ronalduning rekordini yangiladi