Yulduzlar orasida onalik maqomiga erishganlar hamda ona bo‘lishga tayyorgarlik ko‘rayotganlar ham talaygina. Bugun ularning orasida Gollivud aktrisasi Jennifer Lourens ham borligi ma’lum bo‘ldi!
Xabarlarga ko‘ra, aktrisa va uning turmush o‘rtog‘i — badiiy galereya direktori Kuk Maroni birinchi farzandini kutmoqda. Juftlik 2019-yilda rasmiy nikohdan o‘tgan va faqat yaqinlari doirasidagina to‘y marosimini nishonlagan. Ular kamdan kam hollarda shaxsiy hayoti haqida izoh beradi, shuning uchun ham mazkur xushxabar bo‘lajak ota-ona tomonidan darhol e’lon qilinmagan.
Shuningdek, bu Jennifer Lourens bilan bog‘liq yagona katta yangilik emas. Tarmoqda aktrisa va boshqa yulduzlar: Leonardo Di Kaprio, Meril Strip, Keyt Blanshett, Ariana Grande, Jonn Xill va boshqalar rol o‘ynagan “Tepaga qarama” komediyasining treyleri paydo bo‘ldi. Film 2021-yil 10-dekabrda, Netflix striming platformasida esa 2021-yilning 24-dekabrda namoyish etiladi. Sujetdan bir guruh olimlar Yerning uchib ketayotgan ulkan kometa bilan to‘qnashuvi natijasida yuzaga kelishi mumkin bo‘lgan falokatning oldini olishga harakat qilgani haqidagi voqealar o‘rin olgan.
Izoh (0)