Surxondaryo viloyatining Denov tumanida o‘zganing Nexia’sidan antiradar va videoregistrator o‘g‘irlaganlar qo‘lga olinib, jinoyat ishi qo‘zg‘atildi. Bu haqda Surxondaryo viloyati IIB matbuot xizmati xabar berdi.
Ma’lum qilinishicha, 26-avgust kuni X.Shoxnur tuman IIBga ariza bilan murojaat qilib, unda shu kuni soat 21:00 larda, tumanning “Nurli manzil” mahallasi hududida joylashgan futbol maydoni oldida turgan Nexia mashinasi salonidan 800 ming so‘mlik antiradar va 900 ming so‘mlik videoregistrator noma’lum shaxslar o‘g‘irlab ketganini bildirgan.
Ichki ishlar organlari xodimlari tomonidan ko‘rilgan choralar natijasida ushbu o‘g‘rilikni shu tumanda yashovchi uch kishi — M.M., Q.A. va X.S. sodir etgani aniqlangan. 28-avgust kuni ularga nisbatan Jinoyat kodeksining 169-moddasi (o‘g‘rilik) 2-qismi bilan jinoyat ishi qo‘zg‘atilgan.
Izoh (0)