Toshkent shahar IIBB poytaxt ustunlariga o‘rnatilgan davlat bayroqlarini o‘zboshimchalik bilan yechib olib, mashinalariga o‘rnatayotgan shaxslar javobgarlikka tortilishi mumkinligi haqida xabar berilgandi.
Toshkent shahar hokimligi ma’lum qilishicha, yoshlar ko‘chalarga ilingan bayroqlardan bayram kayfiyatini namoyon etish, g‘urur va iftixor ramzi sifatida foydalangan.
“Yoshlarimizning ushbu harakatlari Toshkent shahar hokimligining xatosi tufayli, ya’ni bayroqlar zaxirasi va sotuvi shu kungacha yo‘lga qo‘yilmagani sabablidir. Zero, Toshkent shahar hokimligi ayni holatga avval ham duch kelgan bo‘lsa-da, shu kungacha tadbirkor va ishlab chiqaruvchilarga murojaat qilib, sotuvda bayroqlar muntazam bo‘lishini ta’minlamagan.
Toshkent shahar hokimligi ushbu xatoni yana takrorlamaslik uchun, ayni kunlardagi holatdan xulosa qilgan holda, ishlab chiqaruvchilar va ishbilarmonlarga murojaat qilib, milliy bayrog‘imizni ishlab chiqarish, zaxirasini yaratish va sotuvda bo‘lishini ta’minlashga chaqiradi hamda bu boradagi takliflarni ko‘rib chiqadi”, – deyiladi hokimlik xabarida.
Mavzuga doir:
Izoh (0)