Сурхондарё вилоятининг Денов туманида ўзганинг Nexia’сидан антирадар ва видеорегистратор ўғирлаганлар қўлга олиниб, жиноят иши қўзғатилди. Бу ҳақда Сурхондарё вилояти ИИБ матбуот хизмати хабар берди.
Маълум қилинишича, 26 август куни Х.Шохнур туман ИИБга ариза билан мурожаат қилиб, унда шу куни соат 21:00 ларда, туманнинг «Нурли манзил» маҳалласи ҳудудида жойлашган футбол майдони олдида турган Nexia машинаси салонидан 800 минг сўмлик антирадар ва 900 минг сўмлик видеорегистратор номаълум шахслар ўғирлаб кетганини билдирган.
Ички ишлар органлари ходимлари томонидан кўрилган чоралар натижасида ушбу ўғриликни шу туманда яшовчи уч киши — М.М., Қ.А. ва Х.С. содир этгани аниқланган. 28 август куни уларга нисбатан Жиноят кодексининг 169-моддаси (ўғрилик) 2-қисми билан жиноят иши қўзғатилган.
Изоҳ (0)