O‘zbekistonda 2021-yilda stajirovka va ish qidirayotgan talabalar soni o‘tgan yilga nisbatan 166 foizga oshdi, deb xabar bermoqda Spot HeadHunter ma’lumotlari tahliliga tayanib.
Qayd etilishicha, ularning aksariyati Toshkent, Samarqand va Farg‘ona shaharlarida. Talabalar orasida eng mashhur sohalardan biri esa — savdo-sotiq.
Yosh mutaxassislar o‘rtasidagi raqobat har yili o‘sib bormoqda, 2021-yilda u 2020-yilga nisbatan 25 foizga oshdi. Ular uchun vakansiyalar va imkoniyatlar Toshkent, Samarqand va Buxoro shaharlarida nisbatan ko‘proq.
Ish beruvchilarga kelsak, yosh mutaxassislarni qabul qilishga tayyor bo‘lgan bo‘sh ish o‘rinlari o‘tgan yilga nisbatan 99 foizga oshgan. Aksariyat (96,4 foiz) ish beruvchilar ish tajribasi bo‘lmagan nomzodlarni ko‘rib chiqishga tayyor.
Yosh mutaxassislarga talab yuqori bo‘lgan sohalar sifatida savdo-sotiq (29 foiz), axborot texnologiyalari (20 foiz), konsultatsiya berish (14 foiz) qayd etilgan.
Izoh (0)