Andijon viloyati Asaka tumanida Damas avtomobili zovurga tushib ketdi, deya xabar bermoqda YHXBB.
Dastlabki ma’lumotlarga ko‘ra, 2021-yil 23-avgust kuni soat 12:40 larda, Andijon viloyati, Asaka tumani, “Kuchgan” MFY hududidan o‘tgan ichki avtomobil yo‘lida haydovchi, 1959-yilda tug‘ilgan A.M. Damas rusumli avtomobilda harakatlanayotib boshqaruvni yo‘qotgan va avtomobil yo‘ldan chiqib ketib zovurga tushib ketgan.
Oqibatda yo‘lovchi, 1987-yilda tug‘ilgan B.A. tan jarohati bilan shifoxonaga olib ketilgan.
Avtomobilni zovurdan chiqarish choralari ko‘rilib, YTH yuzasidan Asaka tumani IIB YHXB xodimlari tomonidan surishtiruv harakatlari olib borilmoqda.
Bundan avval Yuqori Chirchiq tumani hokimiga tegishli mashina urib yuborishi oqibatida 16 yoshli qiz vafot etgani, Jizzaxda “GAZ-53” yuk mashinasi ag‘darilib, haydovchi voqea joyida vafot etgani hamda Xorazmdan yangi mototsikl sotib olgan haydovchi yo‘lning notekisligi sabab YTHga uchrab, vafot etgani haqida xabar berilgandi.
Izoh (0)