Андижон вилояти Асака туманида Damas автомобили зовурга тушиб кетди, дея хабар бермоқда ЙҲХББ.
Дастлабки маълумотларга кўра, 2021 йил 23 август куни соат 12:40 ларда, Андижон вилояти, Асака тумани, «Кучган» МФЙ ҳудудидан ўтган ички автомобиль йўлида ҳайдовчи, 1959 йилда туғилган А.М. Damas русумли автомобилда ҳаракатланаётиб бошқарувни йўқотган ва автомобиль йўлдан чиқиб кетиб зовурга тушиб кетган.
Оқибатда йўловчи, 1987 йилда туғилган Б.А. тан жароҳати билан шифохонага олиб кетилган.
Автомобильни зовурдан чиқариш чоралари кўрилиб, ЙТҲ юзасидан Асака тумани ИИБ ЙҲХБ ходимлари томонидан суриштирув ҳаракатлари олиб борилмоқда.
Бундан аввал Юқори Чирчиқ тумани ҳокимига тегишли машина уриб юбориши оқибатида 16 ёшли қиз вафот этгани, Жиззахда «ГАЗ-53» юк машинаси ағдарилиб, ҳайдовчи воқеа жойида вафот этгани ҳамда Хоразмдан янги мотоцикл сотиб олган ҳайдовчи йўлнинг нотекислиги сабаб ЙТҲга учраб, вафот этгани ҳақида хабар берилганди.
Изоҳ (0)