AQSh va Kanada olimlari birinchi bor real vaqt rejimida sichqon organizmida koronavirus infeksiyasining tarqalishini tasvirga olishga muvaffaq bo‘ldi. Tadqiqotchilarning maqolasi Immunity jurnalida e’lon qilingan, deb xabar beradi Hi-Tech.Mail.ru.
SARS-CoV-2 virusining tarqalishini hujayra darajasida kuzatish uchun Monreal va Yel universiteti tadqiqotchilari biolyuminessent belgilash va mikroskopiyaning ilg‘or usullaridan foydalangan. Sichqonlarda koronavirusning tarqalishi yo‘li xuddi insonlarniki kabi: avvaliga virus burunga tushadi, u yerda ko‘payadi va o‘pkalar bo‘ylab tarqaladi. SARS-CoV-2 yuqqanining uchinchi kunidan boshlab u boshqa organlarga tarqalgan. Shundan keyin u miyaga yetib borgan va sichqonlar halok bo‘lgan.
Olimlar omon qolgan plazmalardan ayrim sichqonlarni davolashda foydalangan. Ularning ba’zilariga kasallanishga qadar, ayrimlardan undan keyin yuborilgan. Birinchi holatda antitana virus tarqalishining oldini olgan, ikkinchisida esa taxminan uchinchi kunga borib ularning harakatini to‘xtatgan. Ammo barcha antitanalar ham samarali ishlamagan. Immun tizimining boshqa hujayralarini “yordamga chaqirishga” va zararlangan hujayralarni yakson qilishga qodir effektor funksiyasi yaxshi ishlamaydigan sichqonlarga yaxshi ta’sir qilmagan.
“Antitana organizmda kerakli vaqtda, kerakli joyda va yetarlicha miqdorda bo‘lishi kerak. Effektor funksiyasida neytrallovchi faollikning o‘zi yetmaydi”, — deydi Yel tibbiyot maktabi dotsenti Priti Kumar.
Avvalroq tibbiyot xodimlari koronavirusga chalingan emlangan va emlanmagan bemorlarning o‘pkalarini o‘zaro taqqoslagandi.
Izoh (0)