British Heart Foundation tashkilotining shifokorlari yuzaga kelishi mumkin bo‘lgan yurak xurujidan dalolat beruvchi yangi belgilar haqida ma’lumot berdi, deb yozadi “Korrespondent.net”.
“Agar ko‘krakdagi og‘riq bilan birga, tana haroratining ko‘tarilishi va yopishqoqlikni his qilayotgan bo‘lsangiz, tez yordam chaqiring. Bu yurak xurujining xavfi bo‘lishi mumkin”, — deydi ekspertlar.
Shuningdek, ko‘krakdagi og‘riq va uning qizishi hamda oshqozonning buzilishi yurak xurujining yaqinlashib kelayotgani belgisi bo‘la oladi. Shu bilan birga, og‘riq yelka va jag‘larda ham sezilishi mumkin.
Bundan tashqari, to‘piqlarning shishi ham yurak ishining buzilganidan dalolat beradi. Ammo yurak xurujining eng asosiy va noodatiy belgisi ko‘p terlash hisoblanadi.
Olimlarning aytishicha, yurak qon-tomir tizimlaridagi kasalliklar — dunyoda o‘limga olib keladigan asosiy sabablardan biridir, shuning uchun organizmda bir qarashda u qadar ahamiyatli bo‘lmagan buzilishlarga ham e’tiborli bo‘lish maslahat beriladi.
Avvalroq Shvetsiya va Daniya olimlari o‘rta yoshdagi ayollar bo‘yining pasayishi bevaqt o‘lim xavfini oshiradi degan xulosaga kelgandi.
Izoh (0)