АҚШ ва Канада олимлари биринчи бор реал вақт режимида сичқон организмида коронавирус инфекциясининг тарқалишини тасвирга олишга муваффақ бўлди. Тадқиқотчиларнинг мақоласи Immunity журналида эълон қилинган, деб хабар беради Hi-Tech.Mail.ru.
SARS-CoV-2 вирусининг тарқалишини ҳужайра даражасида кузатиш учун Монреаль ва Йел университети тадқиқотчилари биолюминессент белгилаш ва микроскопиянинг илғор усулларидан фойдаланган. Сичқонларда коронавируснинг тарқалиши йўли худди инсонларники каби: аввалига вирус бурунга тушади, у ерда кўпаяди ва ўпкалар бўйлаб тарқалади. SARS-CoV-2 юққанининг учинчи кунидан бошлаб у бошқа органларга тарқалган. Шундан кейин у мияга етиб борган ва сичқонлар ҳалок бўлган.
Олимлар омон қолган плазмалардан айрим сичқонларни даволашда фойдаланган. Уларнинг баъзиларига касалланишга қадар, айримлардан ундан кейин юборилган. Биринчи ҳолатда антитана вирус тарқалишининг олдини олган, иккинчисида эса тахминан учинчи кунга бориб уларнинг ҳаракатини тўхтатган. Аммо барча антитаналар ҳам самарали ишламаган. Иммун тизимининг бошқа ҳужайраларини «ёрдамга чақиришга» ва зарарланган ҳужайраларни яксон қилишга қодир эффектор функцияси яхши ишламайдиган сичқонларга яхши таъсир қилмаган.
«Антитана организмда керакли вақтда, керакли жойда ва етарлича миқдорда бўлиши керак. Эффектор функциясида нейтралловчи фаолликнинг ўзи етмайди», — дейди Йел тиббиёт мактаби доценти Прити Кумар.
Аввалроқ тиббиёт ходимлари коронавирусга чалинган эмланган ва эмланмаган беморларнинг ўпкаларини ўзаро таққослаганди.
Изоҳ (0)