Olimlar umrining asosiy qismini o‘tirgan holda o‘tkazadigan insonlar insultga ko‘proq uchrashini aniqladi

Kanadalik tadqiqotchilar o‘tirgan holda ishlaydigan va umrining asosiy qismini shunday o‘tkazuvchi insonlarda insult xavfi yuqori ekanligini ma’lum qildi, deb xabar beradi “Korrespondent.net”.

Kalgari universiteti olimlari oldinlari insult, yurak qon-tomir kasalliklari va saratondan aziyat chekmagan 40 yoshdan katta 143 ming kishining hayot tarzi hamda sog‘lig‘iga oid ma’lumotlarni tahlil qilgan. Tadqiqot ishtirokchilarining salomatligi to‘qqiz yil davomida kuzatilgan.

Ishtirokchilar o‘rtacha kuniga to‘rt soatga yaqin vaqtini o‘tirib o‘tkazgan.

“Tadqiqotning deyarli barcha ishtirokchilarining 3 ming nafari insultga uchragan. Kuniga sakkiz soatdan ortiq o‘tiradigan jismoniy faolligi kam 60 yoshdan kichik ishtirokchilarda insult xavfi to‘rt soatdan kam o‘tiradiganlarga nisbatan 4,2 barobar, ko‘p harakatlanadiganlarga nisbatan esa yetti barobar ko‘p uchraydi”, — deyiladi maqolada.

Avvalroq koronavirusdan keyin infarkt va insult xavfi oshishi ma’lum bo‘lgani, London Imperial kolleji, Kembrij universiteti va Chikago universitetining bir guruh olimlari koronavirus uni yuqtirgan odamlarning aqliy salohiyat darajasiga salbiy ta’sir qiladi degan xulosaga kelgani to‘g‘risida xabar berilgandi.