Namangan viloyati Chust tumanida Damas 47 yoshli fuqaroni urib ketdi, deya xabar bermoqda viloyat IIB axborot xizmati.
Ma’lum qilinishicha, 2021-yil 16-avgust kuni soat 23:30 larda Shoyon—Baymoq yo‘lining 15-kilometrida, Chust tumani “Baymoq” MFY hududida Chust tumanida yashovchi, 1979-yilda tug‘ilgan fuqaro Damas rusumli avtomashinasini boshqarib borayotib, harakat xavfsizligini ta’minlay olmay, yo‘l chetida ketayotgan piyoda, Chust tumanida yashagan, 1974-yilda tug‘ilgan fuqaroni urib yuborgan.
Oqibatda piyoda olgan tan jarohati oqibatida shifoxonada vafot etgan.
Ushbu holat bo‘yicha Chust tuman IIB huzuridagi TB tomonidan 2021-yil 17-avgust kuni Jinoyat kodeksining 266-moddasi 2-qismi (odam o‘limiga sabab bo‘lgan transport boshqarish xavfsizligi qoidalarini buzish) bilan jinoyat ishi qo‘zg‘atilgan.
Bundan avval Qarshida harakatlanib ketayotgan Lacetti’da yong‘in chiqqani, Namanganda yo‘ldan o‘tayotgan 22 yoshli piyoda Nexia urib yuborishi oqibatida vafot etgani hamda Toshkentda Matiz va Nexia to‘qnashuvi oqibatida uch kishi jarohatlangani haqida xabar berilgandi.
Izoh (0)