Наманган вилояти Чуст туманида Damas 47 ёшли фуқарони уриб кетди, дея хабар бермоқда вилоят ИИБ ахборот хизмати.
Маълум қилинишича, 2021 йил 16 август куни соат 23:30 ларда Шоён—Баймоқ йўлининг 15-километрида, Чуст тумани «Баймоқ» МФЙ ҳудудида Чуст туманида яшовчи, 1979 йилда туғилган фуқаро Damas русумли автомашинасини бошқариб бораётиб, ҳаракат хавфсизлигини таъминлай олмай, йўл четида кетаётган пиёда, Чуст туманида яшаган, 1974 йилда туғилган фуқарони уриб юборган.
Оқибатда пиёда олган тан жароҳати оқибатида шифохонада вафот этган.
Ушбу ҳолат бўйича Чуст туман ИИБ ҳузуридаги ТБ томонидан 2021 йил 17 август куни Жиноят кодексининг 266-моддаси 2-қисми (одам ўлимига сабаб бўлган транспорт бошқариш хавфсизлиги қоидаларини бузиш) билан жиноят иши қўзғатилган.
Бундан аввал Қаршида ҳаракатланиб кетаётган Lacetti’да ёнғин чиққани, Наманганда йўлдан ўтаётган 22 ёшли пиёда Nexia уриб юбориши оқибатида вафот этгани ҳамда Тошкентда Matiz ва Nexia тўқнашуви оқибатида уч киши жароҳатлангани ҳақида хабар берилганди.
Изоҳ (0)