Toshkentning Chilonzor tumanida Matiz va Nexia ishtirokida YTH yuz berdi. Bu haqda poytaxt IIBB matbuot xizmati xabar berdi.
Ma’lum qilinishicha, 17-avgust kuni, taxminan, soat 15:00 da Seul ko‘chasida 43 yoshli Sh.M. boshqaruvidagi Matiz va 33 yoshli D.T. boshqaruvidagi Nexia-3 to‘qnashgan.
YTH oqibatida ikkala haydovchi hamda Matiz yo‘lovchisi B.M. tan jarohatlari bilan shifoxonaga yetkazilgan.
Holat bo‘yicha Toshkent shahar IIBB xodimlari tomonidan tergovoldi tekshiruvi o‘tkazilmoqda.
Avvalroq Toshkentning Shayxontohur tumanida Nexia bilan to‘qnashgan Matiz ag‘darilib ketgani, Chilonzor tumanida avtokran hamda Volvo yuk mashinasi to‘qnashib ketgani, Mirzo Ulug‘bek tumanida Cobalt Spark bilan to‘qnashib ag‘darilib ketgani haqida xabar berilgandi.Mavzuga doir: O‘zbekistonda 1-sentabrdan yo‘l harakati qoidalarini buzganlik uchun jarimalar miqdori oshadi
