Lego kompaniyasi Hogwarts Icons — Collectors’ Edition nomli konstruktorini taqdim etdi, deb xabar beradi Esquire.
Jamlanma sehrgar bolakay haqidagi “Garri Potter va hikmatlar toshi” filmi katta ekranlarga chiqqanining 20 yilligi munosabati bilan yaratilgan.
Jamlanmadan Garri Potter olamidagi barchaga tanish elementlar o‘rin olgan. Xususan, Xogvartsdan xat tashuvchi Buklya laqabli boyo‘g‘li, Garrining ko‘zoynagi va tayoqchasi, Ronning qurbaqasi, Tom Reddlning kundaligi, tilla snitch va boshqa buyumlar.
Shuningdek, jamlanmada Germionaning besh xil damlamasi va butilkalaridagi ingrediyentlari (jabra o‘stiruvchi, “Feliks Felitsis” va hokazo) joylashgan patnis ham bor.
Shuningdek, Albus Dambldor, Minerva MakGonagall va Rubeus Xagridning uchta oltin haykalchasini ham ko‘rish mumkin.
Xogvartsdagi xatni foydalanuvchi o‘zining yoki ma’lum bir insonning nomiga yo‘llashi mumkin.
Jamlanma 3010 da detaldan iborat bo‘lib, 2-sentabr sanasidan 250 dollar qiymatida sotuvga chiqadi.
Avvalroq Lego Marvel kinoolami qahramonlaridan iborat o‘yinchoqlarni taqdim etgani to‘g‘risida xabar berilgandi.
Mavzuga doir:
Izoh (0)