Lego kompaniyasi 400 mingta konstruktor detallaridan tarkib topgan to‘liq o‘lchamli Lamborghini Sian giperkarini taqdim etdi, deb xabar beradi Motor. Uni yaratish ustida 15 nafar mutaxassis 8660 soat ish olib borgan. 1:1 masshtabdagi o‘yinchoq giperkar Lamborghini Sian FKP 37 modeli dizaynini takrorlaydi. Bundan tashqari, o‘yinchoq mashina rangi Lamborghini lak-bo‘yoq sexida tayyorlangan.

Foto: Lego

Lego ayrim raqamlar bilan bo‘lishdi. Masalan, o‘yinchoq giperkarning yigirmata elementi noldan boshlab loyihalashtirilgan va faqat ushbu model uchun mos keladi. Lego’dan yig‘ilgan Sian’ning og‘irligi 2,2 tonnani tashkil etadi (haqiqiy avtomobil og‘irligi — 1622 kilogramm). Konstruktordan yig‘ilgan model uzunligi 4,98 metrga, eni — 2,1 metrga, balandligi — 1,13 metrga yetadi.

Foto: Lego

Foto: Lego

Foto: Lego

Foto: Lego

Foto: Lego

Foto: Lego

Foto: Lego

Foto: Lego

Ma’lum qilinishicha, bu Lego’dan yig‘ilgan birinchi Sian emas. O‘tgan yili Daniya korporatsiyasi 1:8 masshtabda giperkarning Technic seriyasi jamlanmasini taqdim etgan. Lego Technic’ning bundan oldingi jamlanmalari Porsche 911 GT3 RS va Bugatti Chiron’ga bag‘ishlangan (mos ravishda 2704 va 3599 detaldan iborat).

Avvalroq vyetnamlik bloger o‘g‘li uchun yog‘ochdan harakatlanadigan Lamborghini Sian yasagani to‘g‘risida xabar berilgandi.