Lego kompaniyasi barqaror rivojlanish sohasidagi tashabbuslarini davom ettirib, Flower Bouquet nomli botanik kolleksiyasini taqdim etdi. Uning elementlari asosini shakarqamish tashkil etadi, deb yozadi “Afisha.uz”.
Foto: Lego
Kolleksiya ikkita jamlanmadan iborat: gullar dastasi va bonsay daraxtidan. Ularning birinchisi 756 ta elementdan iborat bo‘lib, atirgul, qo‘qongul, dastorgul hamda antirrinum guldastalarini yig‘ish mumkin. Ikkinchisi — Bonsai Tree — 878 ta elementdan iborat.
Foto: Lego
“Kattalar ruhiy quvvat olishning yangi usullarini qidirayotgan bir vaqtda biz ularga zo‘riqishlarga boy kundalik hayotda xotirjamlikni topishga yordam berishdan xursandmiz”, — deydi Lego yetakchi dizayneri Jeymi Berard.
Foto: Lego
Gullar dastasi va bonsay daraxtining donasini 49,99 dollar narxini sotib olish mumkin.
Foto: Lego
Avvalroq Lego “Arvoh ovchilari” filmidagi mashhur Cadillac konstruktorini yaratgani, shuningdek, ishlaydigan “podveska”ga ega Jeep Wrangler modeli jamlanmasini taqdim etgani to‘g‘risida xabar berilgandi.
