Yaponiyaning Tokio shahri mezbonlik qilayotgan Olimpiya o‘yinlarida o‘zbekistonlik sportchilar 5-avgust kungi chiqishlarini yakunladi.
Yengil atletika
Yengil atletikaning balandlikka sakrash yo‘nalishida Safina Sa’dullayeva va Svetlana Radzivil kurashlarga kirdi. Sa’dullayeva 195 metrga sakrab, 7-avgust kuni bo‘lib o‘tadigan finalga yo‘l oldi.
Svetlana Radzivil esa 190 metr natija bilan saralashda qolib ketdi.
Ko‘pkurash yo‘nalishida harakat qilgan Yekaterina Voronina uchun ham Olimpiya o‘yinlari bilan xayrlashdi. Umumiy hisobda 6298 ochko jamg‘argan Voronina musobaqani 24 sportchi ichida 12-o‘rin bilan yakunladi.
Erkin kurash
5-avgust kuni uch nafar gilamga chiqdi. -57 kg vazn toifasida G‘ulomjon Abullayev bronza medali uchun o‘tish jangida amerikalik Patrik Gilmanga mag‘lub bo‘lib, musobaqa bilan xayrlashdi. U bungacha 1 ta g‘alaba va mag‘lubiyat qayd etgandi.-86 kg vazn toifasida Javrail Shapiyev bronza medali uchun o‘tish jangida shveysariyalik Stefan Richmutga qarshi bahs yuritdi va 5:2 hisobida g‘alaba qozondi. Bronza medali uchun bahsda u rossiyalik uch karra jahon chempioni Artur Nifonovga yutqazdi va musobaqani beshinchi o‘rin bilan yakunladi.
-74 kg vaznda Bekzod Abdurahmonov 1/8 finalda Puerto-Riko vakili Franklin Gomesni 10:0 hisobida yengib, chorak finalga yo‘l oldi. Biroq 1/4 finalda Bekzod rossiyalik ikki karra jahon chempioni Zaur Sidakovga yengildi. Sidakov final yo‘llanmasini qo‘lga kiritgani sababli Abdurahmonovda bronza medali uchun kurashish imkoniyati saqlanib qoldi.
Zamonaviy beshkurash
Zamonaviy beshkurash bahslarida ikki nafar o‘zbekistonlik sportchilar Alise Faxrutdinova va Aleksandr Savkin qatnashmoqda. Har ikkala sportchi hozircha qilichbozlik bahslarida o‘z kuchini sinab ko‘rdi, 6-avgust sanasida ular musobaqadagi ishtirokini davom ettiradi.
Izoh (0)