Япониянинг Токио шаҳри мезбонлик қилаётган Олимпия ўйинларида ўзбекистонлик спортчилар 5 август кунги чиқишларини якунлади.
Енгил атлетика
Енгил атлетиканинг баландликка сакраш йўналишида Сафина Саъдуллаева ва Светлана Радзивил курашларга кирди. Саъдуллаева 195 метрга сакраб, 7 август куни бўлиб ўтадиган финалга йўл олди.
Светлана Радзивил эса 190 метр натижа билан саралашда қолиб кетди.
Кўпкураш йўналишида ҳаракат қилган Екатерина Воронина учун ҳам Олимпия ўйинлари билан хайрлашди. Умумий ҳисобда 6298 очко жамғарган Воронина мусобақани 24 спортчи ичида 12-ўрин билан якунлади.
Эркин кураш
5 август куни уч нафар гиламга чиқди. -57 кг вазн тоифасида Ғуломжон Абуллаев бронза медали учун ўтиш жангида америкалик Патрик Гилманга мағлуб бўлиб, мусобақа билан хайрлашди. У бунгача 1 та ғалаба ва мағлубият қайд этганди.-86 кг вазн тоифасида Жавраил Шапиев бронза медали учун ўтиш жангида швейсариялик Стефан Ричмутга қарши баҳс юритди ва 5:2 ҳисобида ғалаба қозонди. Бронза медали учун баҳсда у россиялик уч карра жаҳон чемпиони Артур Нифоновга ютқазди ва мусобақани бешинчи ўрин билан якунлади.
-74 кг вазнда Бекзод Абдураҳмонов 1/8 финалда Пуэрто-Рико вакили Франклин Гомесни 10:0 ҳисобида енгиб, чорак финалга йўл олди. Бироқ 1/4 финалда Бекзод россиялик икки карра жаҳон чемпиони Заур Сидаковга енгилди. Сидаков финал йўлланмасини қўлга киритгани сабабли Абдураҳмоновда бронза медали учун курашиш имконияти сақланиб қолди.
Замонавий бешкураш
Замонавий бешкураш баҳсларида икки нафар ўзбекистонлик спортчилар Алисе Фахрутдинова ва Александр Савкин қатнашмоқда. Ҳар иккала спортчи ҳозирча қиличбозлик баҳсларида ўз кучини синаб кўрди, 6 август санасида улар мусобақадаги иштирокини давом эттиради.
Изоҳ (0)