Badiiy gimnastikachi Sabina Toshkenboyeva Tokio Olimpiadasida ishtirok etmaydigan bo‘ldi. Toshkenboyevada koronavirus aniqlangan. Bu haqda sportchining o‘zi Instagram sahifasida ma’lum qildi.
Olimpiya o‘yinlarida qatnashishim kerak edi. Ammo afsuski, koronavirus meni ham chetlab o‘tmadi. Musobaqalarda ishtirok eta olmayman. O‘rnimga Yekaterina Fetisova bahslarga kirishadi. Unga va butun terma jamoamizga omad tilayman. Biz bu yo‘lda juda uzoq yo‘lni bosib o‘tgandik, biroq Olimpiadada ishtirok etish nasib etmadi. Meni qo‘llab-quvvatlagan barchaga minnatdorchilik bildiraman.Shu tariqa endilikda Tokio Olimpiadasining ko‘pkurash bahslarida Sabinaning o‘rniga Yekaterina Fetisova O‘zbekiston sharafini himoya qiladi.Sabina Toshkenboyeva, badiiy gimnastikachi
Ma’lumot uchun, badiiy gimnastika bahslari 6-avgust, juma kuni boshlanadi.
Eslatib o‘tamiz, O‘zbekiston hozirgacha Olimpiadada 2 ta oltin va 1 ta bronza medalini qo‘lga kiritdi. Musobaqa 8-avgust kuni o‘z nihoyasiga yetadi.
Izoh (0)