Vashingtonda Pentagon yaqinida otishma yuz berganidan keyin mudofaa muassasasiga kirish va chiqish yopib qo‘yildi, deb yozadi Meduza.
Otishma bilan bog‘liq hodisa AQSh Mudofaa vazirligi bosh binosi yaqinidagi avtobus bekatida yuz berdi. Otishma qanday sabab bilan sodir bo‘lgani noma’lum.
Keyinroq Pentagon qo‘riqlov xizmati xodimi otishma sodir etgan shaxsni otib tashlagani xabar berildi. Hujum qilgan shaxs binoga kira olmagan.
AQSh mudofaa vaziri Ostin Lloyd hujum oqibatida Pentagon binosi yonida bir politsiyachi halok bo‘lganini ma’lum qildi.
“Ofitser xizmat majburiyatlarini bajarish chog‘ida, Pentagonda o‘n minglab odamlarni himoya qilishda yordam berayotib halok bo‘ldi… Hodisa yuz bergan vaziyatni o‘rganish uchun tekshiruv davom etmoqda”, — deb yozdi Ostin o‘z Twitter’ida.
Voqea tafsilotlari oshkor etilmayapti. AQSh Mudofaa vazirligi ham, hodisani surishtirayotgan Federal qidiruv byurosi ham tafsilotlarni keltirmadi. “Hodisa yakuniga yetdi, voqea joyi xavfsiz va eng muhimi, aholi uchun tahdid yo‘q”, — dedi Pentagon politsiyasi rahbari Vudro Kyusse.
OAVlarga ko‘ra, politsiyachi pichoq bilan o‘ldirilgan. Associated Press muxbiri voqea joyida bir necha marta o‘q ovozlarini eshitgan. Yana bir necha kishi yaralangani ma’lum.
Mavzuga doir:
- Pentagon sobiq rahbari vafot etdi. U AQShning Afg‘oniston va Iroqqa bostirib kirishiga mas’ul bo‘lgan
- AQSh: Pentagon harbiy qo‘shinlarning jangovar tayyorgarligini oshirishda o‘z maqsadlariga erisha olmadi
- Pentagon rahbari etib Lloyd Ostin tasdiqlandi. U ushbu lavozimni egallagan birinchi afroamerikalik bo‘ldi
Izoh (0)