Tokio—2020. Farangiz Hojiyeva afrikalik dzyudochiga taslim bo‘ldi, Svetlana Osipova qozog‘istonlik taekvondochiga yutqazib qo‘ydi

Tokio—2020 Olimpiadasining 27-iyul kungi bahslarida bir qator o‘zbekistonlik sportchilar o‘z ishtirokini o‘tkazdi.

Dzyudo bo‘yicha -63 kg vazn toifasida harakat qilayotgan Farangiz Hojiyeva Kabo-Verde vakili Sandrin Billetga qarshi bahs yuritdi. Bellashuvda Farangiz og‘ritish usuliga tushib qoldi va Olimpiadadagi ishtirokini yakunladi.

+67 kg vaznda O‘zbekiston nomidan qatnashgan taekvondochi Svetlana Osipova 1/8 finalda qozog‘istonlik Janzel Denizga qarshi jang qildi. Hisob 9:9 bo‘lib turgan vaqtda Osipova so‘nggi soniyalarda qo‘l zarbasini o‘tkazib yubordi va mag‘lubiyatga uchradi.

27-iyul kuni O‘zbekiston vakillaridan dzyudochi Sharofiddin Boltaboyev (-81 kg) va suzish sporti vakili Xurshidjon Tursunov o‘z ishtirokini o‘tkazadi.