Og‘ir atletika bo‘yicha -55 kg vazn toifasida O‘zbekiston sharafini himoya qilayotgan Muattar Nabiyeva Tokio Olimpiadasidagi ishtirokini yakunladi.
Nabiyeva ikki kurash bahslariga ko‘ra umumiy hisobda 212 kg og‘irlikni o‘ziga bo‘ysundirdi va 4-o‘rinni egalladi.
U dast ko‘tarishda 98 kg og‘irlikni ko‘tarib, Olimpiada rekordini o‘rnatdi. Siltab ko‘tarish mashqlarida esa Nabiyeva 114 kg bilan cheklandi.
Bronza medali uchun kurashda qozog‘istonlik Zulfiya Chinshanlo umumiy hisobda 213 kg toshni ko‘tarib, Nabiyevani ortda qoldirdi.
Avvalroq -67 kg vazn toifasida Adhamjon Ergashev 6-o‘rinni egallagandi.
Izoh (0)