Tokioda bo‘lib o‘tayotgan Olimpiya o‘yinlarida aka-singil dzyudochilar Hifumi Abe va Uta Abe bir soatlik farq bilan ikkita oltin medallarni qo‘lga kiritdi.
Dastavval 21 yoshli Uta Abe (singil) 52 kilogramm vazn toifasida final bahsida Fransiya vakili Amandin Busharni mag‘lubiyatga uchratdi. Yarim soatdan so‘ng uning 23 yoshli akasi Hifuma 66 kilogrammgacha bo‘lgan vaznda hal qiluvchi bellashuvda gruziyalik Vaja Margvelashvili ustidan g‘alaba qozondi.
Shu tariqa yaponiyalik aka-singil sportchilar bir soat ichida o‘z mamlakatiga ikkita oltin medalni taqdim etdi. Qayd etish o‘rinli, har ikkala dzyudochi ham ikki karra jahon chempioni hisoblanadi.
Kyodo agentligiga ko‘ra Hifumi Abe va Uta Abe bir kunda oltin medal olgan birinchi aka-singil sifatida Yaponiya tarixiga kirgan. Shuningdek, Olimpiadalar tarixida ham bunday holat kuzatilmagan.
Singlim birinchi bo‘lib oltin medalni qo‘lga kiritdi, ammo g‘alaba qozonishga ahd qilganim uchun hech qanday bosim sezmadim. Men tatamidan boshimni baland ko‘targan holda chiqishni xohladim. Va men buni qildim. Orzum amalga oshdi, bugun birdaniga ikkita orzu amalga oshdi. Bu hayotimdagi asosiy lahzalardir.Avvalroq yaponiyalik 13 yoshli qiz skeytbording bo‘yicha Tokio—2020 da g‘olib chiqib, eng yosh Olimpiya chempionlari orasida kuchli uchlikka kirgandi.Hifumi Abe, Olimpiada chempioni
Izoh (0)