Boks bo‘yicha -75 kg vazn toifasida O‘zbekiston sharafini himoya qilayotgan Fanat Qahramonov 26-iyul kuni Tokio—2020 Olimpiadasidagi ishtirokini boshladi.
Qahramonov gruziyalik Giorgi Xarabadzega qarshi ringga ko‘tarildi. Birinchi raund to‘liq o‘zbekistonlik bokschining ustunligi ostida o‘tdi. Ikkinchi raundning so‘nggi daqiqasida Xarabadze jarohat oldi va jang to‘xtatildi.
Shu tariqa Fanat g‘olib deb topildi va 1/8 finalga chiqdi. Qahramonov 29-iyul kuni qozog‘istonlik Abilxan Amankulga qarshi jang qiladi.
Avvalroq Shahobiddin Zoirov turkiyalik Botuxon Chifchini mag‘lub etib, keyingi bosqichga chiqqandi. 25-iyul kuni uch nafar o‘zbekistonlik bokschilar: Tursunoy Rahimova, Elnur Abduraimov va Dilshod Ro‘zmetov o‘z janglarini g‘alaba bilan yakunlab, keyingi bosqichga yo‘l olgandi.
Izoh (0)