Tokio—2020 Olimpiadasining 25-iyul kungi musobaqalari o‘z yakuniga yetdi. Yozgi o‘yinlarning rasmiy ikkinchi kunida 18 ta medallar shodasi o‘ynaldi.
Taekvondo bo‘yicha -68 kg vazn toifasida O‘zbekiston sharafini himoya qilgan Ulug‘bek Rashidov delegatsiyaga dastlabki oltin medalni taqdim etdi. Shu tariqa O‘zbekiston Tokio—2020 oltin medaliga sazovor bo‘lgan 16 mamlakat ro‘yxatiga kirdi.
Medallar bo‘yicha umumiy ro‘yxatda Xitoy yetakchilikni saqlab qoldi. 6 ta oltin, 1 ta kumush va 4 ta bronzaga ega chiqqan chin yurti vakillari medallar sifati va soni bo‘yicha yetakchilik qilmoqda.
Dastlabki kungi musobaqalarda birorta ham medal qo‘lga kirita olmagan AQSh vakillari ikkinchi kunda bir yo‘la o‘nta sovrinli o‘rinni egalladi va umumiy ro‘yxatda top-3 likka kirdi.
O‘zbekiston esa bitta oltin medal bilan Avstriya, Ekvador, Eron, Kosovo va Tailand bilan 11—16-pog‘onalarni bo‘lishib turibdi.
Tokio—2020 medallar reytingi
1. Xitoy — 6-1-4 (11)
2. Yaponiya — 5-1-0 (6)
3. AQSh — 4-2-4 (10)
4. Janubiy Koreya — 2-0-3 (5)
5. ROQ (Rossiya) — 1-4-2 (7)
6. Italiya — 1-1-3 (5)
7-8. Avstraliya — 1-1-1 (3)
7-8. Fransiya — 1-1-1 (3)
9-10. Vengriya — 1-1-0 (2)
9-10. Tunis — 1-1-0 (2)
11-16. Avstriya — 1-0-0 (1)
11-16. Ekvador — 1-0-0 (1)
11-16. Eron — 1-0-0 (1)
11-16. Kosovo — 1-0-0 (1)
11-16. Tailand — 1-0-0 (1)
11-16. O‘zbekiston — 1-0-0 (1)
Izoh (0)