Boks bo‘yicha -81 kg vazn toifasida O‘zbekiston sharafini himoya qilayotgan Dilshod Ro‘zmetov 25-iyul, yakshanba kuni Tokio—2020 Olimpiadasidagi ishtirokini boshladi.
1/16 finalda Ro‘zmetov irlandiyalik Emmet Brennanga qarshi ringga ko‘tarildi. Dilshod davomida ustunlikka ega bo‘ldi va yakunda 5:0 hisobi bilan g‘alaba qozondi.
Ro‘zmetov 1/8 finalda kelib chiqishi Kubadan bo‘lgan va Olimpiya o‘yinlarida Ozarbayjon bayrog‘i ostida chiqayotgan Alfonso Domingesga qarshi jang qiladi.
Shu tariqa 25-iyul kuni jang qilgan uch nafar o‘zbekistonlik bokschining barchasi keyingi bosqichga chiqdi. Avvalroq Tursunoy Rahimova va Elnur Abduraimov o‘z janglarini g‘alaba bilan yakunlagandi.
Izoh (0)