Salvador bosh prokuraturasi mamlakatning o‘n nafar sobiq amaldorini hibsga olishga order berdi. Ular orasida sobiq prezident Sanches Seren (2014–2019) ham bor, deb yozadi “Kommersant”.
Sobiq mansabdorlarga nisbatan pul yuvish, talon-toroj qilish, noqonuniy boylik orttirish bo‘yicha ish olib borilmoqda.
“Bu siyosiy ta’qib emas, balki o‘g‘rilarni ta’qib qilishdir. Mazkur shaxslar ikkilanmasdan Salvadorga va uning aholisiga xiyonat qilgan”, — deyiladi bosh prokuror bayonotida.
Ko‘rilayotgan ish 2009—2014-yillarga tegishli. Bu yillar mobaynida Seren o‘sha paytdagi prezident Maurisio Funesning vitse-prezidenti bo‘lib ishlagan. Ma’lumotlarga ko‘ra, Salvador rahbariyati 350 million dollardan ko‘proq mablag‘ni parlament tasdig‘isiz sarf qilgan.
Sobiq davlat rahbari hozirda mamlakat tashqarisida. Bosh prokuror ushbu ishda ishtirok etgan shaxslarni topish uchun xalqaro yordam so‘ramoqchi. Hozirgacha olti nafar yuqori lavozimli amaldor hibsga olingan.
Avvalroq Janubiy Afrika Respublikasi(JAR)da sobiq prezident Yakob Zuma qamoqqa hukm qilingandi. Uning hibsga olinishi noroziliklarga sabab bo‘lib, JARda aparteid rejimi qulagandan buyon eng yirik tartibsizliklarni boshlab bergan.
Mavzuga doir:
- Trampning sobiq yordamchisi BAA agenti sifatida ishlaganlikda ayblanib, hibsga olindi
- AQShda “Voentorg” rahbarining sobiq o‘rinbosari 5 yilga ozodlikdan mahrum etildi. U 20 yilga hukm qilinishi mumkin edi, ammo tergov bilan kelishuv tuzdi
- Viktor Babariko 2020-yilgi Belarus prezidenti saylovida Aleksandr Lukashenkoning asosiy raqibi hisoblangan. Endi u 14 yillik koloniyaga hukm qilindi
Izoh (0)