Сальвадор бош прокуратураси мамлакатнинг ўн нафар собиқ амалдорини ҳибсга олишга ордер берди. Улар орасида собиқ президент Санчес Серен (2014–2019) ҳам бор, деб ёзади «Коммерсантъ».
Собиқ мансабдорларга нисбатан пул ювиш, талон-торож қилиш, ноқонуний бойлик орттириш бўйича иш олиб борилмоқда.
«Бу сиёсий таъқиб эмас, балки ўғриларни таъқиб қилишдир. Мазкур шахслар иккиланмасдан Сальвадорга ва унинг аҳолисига хиёнат қилган», — дейилади бош прокурор баёнотида.
Кўрилаётган иш 2009—2014 йилларга тегишли. Бу йиллар мобайнида Серен ўша пайтдаги президент Маурисио Фунеснинг вице-президенти бўлиб ишлаган. Маълумотларга кўра, Сальвадор раҳбарияти 350 миллион доллардан кўпроқ маблағни парламент тасдиғисиз сарф қилган.
Собиқ давлат раҳбари ҳозирда мамлакат ташқарисида. Бош прокурор ушбу ишда иштирок этган шахсларни топиш учун халқаро ёрдам сўрамоқчи. Ҳозиргача олти нафар юқори лавозимли амалдор ҳибсга олинган.
Аввалроқ Жанубий Африка Республикаси(ЖАР)да собиқ президент Якоб Зума қамоққа ҳукм қилинганди. Унинг ҳибсга олиниши норозиликларга сабаб бўлиб, ЖАРда апартеид режими қулагандан буён энг йирик тартибсизликларни бошлаб берган.
Мавзуга доир:
- Трампнинг собиқ ёрдамчиси БАА агенти сифатида ишлаганликда айбланиб, ҳибсга олинди
- АҚШда «Воэнторг» раҳбарининг собиқ ўринбосари 5 йилга озодликдан маҳрум этилди. У 20 йилга ҳукм қилиниши мумкин эди, аммо тергов билан келишув тузди
- Виктор Бабарико 2020 йилги Беларусь президенти сайловида Александр Лукашенконинг асосий рақиби ҳисобланган. Энди у 14 йиллик колонияга ҳукм қилинди
Изоҳ (0)