Xitoyning Google bilan taqqoslanuvchi Baidu texnologik kompaniyasi 2023-yilda o‘zining “aqlli” elektrokarini taqdim etishni rejalashtirilmoqda. Avtomobilni yaratish bilan kompaniyaning Jidu Auto sho‘ba korxonasi shug‘ullanib, u o‘zida xitoyliklarning kelajak mashinalari haqida tasavvurlarini mujassam etadi. Bu haqda Baidu rahbari Li Yanxun Sun’iy intellekt bo‘yicha xalqaro konferensiyada ma’lum qildi, deb xabar beradi Motor.
Kompaniya bosh direktorining ta’kidlashicha, hozirda ko‘pchilik zamonaviy avtomobillarni g‘ildiraklar ustidagi kompyuterlar sifatida qabul qilmoqda, kelajakda esa mashinalar umuman robotlarga o‘xshash bo‘ladi. Baidu 2023-yilga qadar o‘zining “aqlli” elektrokarini taqdim etish orqali bunga hissa qo‘shishni rejalashtirgan. Mashina aksiyalarining 45 foizi Xitoydagi eng yirik avtomobil ishlab chiqaruvchilardan biri — Geely’ga tegishli Jidu Auto sho‘ba korxonasi tomonidan ishlab chiqariladi.
Insideevs nashrining yozishicha, Jidu’ning ilk modeli 2022-yili Pekinda o‘tkaziladigan avtosalon doirasida konsept maqomida taqdim etiladi. Kelajak “elektrokar-roboti”ning taxminiy narxi ham e’lon qilingan: 200 ming yuandan ortiq (30 ming dollar).
Li Yanxunning hisoblashicha, kelajak avtomobili avtonom tizimlarga ega bo‘lib, fojiaviy YTHlar statistikasini o‘zgartira oladi, chunki ularning aksariyati inson omili sabab yuzaga keladi. Uning so‘zlariga ko‘ra, har yili butun dunyo bo‘ylab avariyalar oqibatida 1,35 millionda yaqin odam halok bo‘ladi.
Eslatib o‘tamiz, 2021-yilning yanvarida BAIC konserniga tegishli Arcfox markasi bir marta quvvatlanish orqali 708 km yo‘l bosishga qodir Tesla “qotili”ni taqdim etgandi.
Mavzuga doir: Xitoyda taksichilar uchun ideal avtomobil taqdim etiladi
Izoh (0)