Bugun,

  • USD 11095.31
  • RUB 173.84
  • EUR 10772.44

BAIC konserniga tegishli Arcfox markasi o‘zining flagman modeli — o‘rta o‘lchamli αS sedanni taqdim etdi, deb xabar beradi Motor. Xitoy brendi tomonidan yaratilgan Tesla “qotili” ikkita elektromotor va uch turdagi batareyaga ega bo‘ladi, ularning eng kattasi yordamida bir marta quvvatlanish orqali 708 kilometr yo‘lni bosish mumkin.

Foto: Autohome

Foto: Autohome

Arcfox flagmani o‘lchami jihatida Hyundai Sonata’ga o‘xshaydi: uzunligi 4930, eni — 1940, balandligi — 1599, g‘ildiraklar bazasi esa 2915 millimetrga teng.

Mashina tashqi ko‘rinishi jihatidan Tesla’ni yodga soluvchi optikaga, emblemaga kelib ulangan ikki chiziqli kapot va trapetsiyasimon soxta radiator panjarasiga ega. Shuningdek, αS’da “yashirinuvchi” eshik tutqichlari, bir-biri bilan tutashgan orqa faralar va yukxona qopqog‘ida kichik spoyler mavjud..

Foto: Autohome

Foto: Autohome

Mashina saloni to‘q kulrang va sarg‘ish charm bilan qoplangan. Sedan “aqlli” α-OS tizimi bilan jihozlangan bo‘lib, u uchta ekranga ulanish va yuzni tanish funksiyasiga ham ega.

Arcfox αS mono va to‘liq uzatmali variantlarda taqdim etiladi. Birinchi holatda 218 ot kuchiga (360 Nm) ega elektromotor old o‘qqa o‘rnatiladi, ikkinchisida esa sedan har bir o‘qida alohida motorga ega bo‘ladi. Bunda elektromotor quvvati 435 ot kuchini taqdim etishga qodir.

Foto: Autohome

Foto: Autohome

Bundan tashqari, modelning uchta batareyali variant ham taqdim etiladi. Ularning sig‘imi to‘g‘risida ma’lumot berilmagan, biroq NEDC sikli bo‘yicha qancha masofa bosa olishi ma’lum: tanlangan variantga ko‘ra, sedan 525, 603 yoki 708 kilometr yo‘l bosa oladi. Taqqoslash uchun Tesla Model S Long Range Plus bir marta quvvatlanish orqali 647 kilometr yo‘l bosishga qodir.

Foto: Autohome

Foto: Autohome

Foto: Autohome

Foto: Autohome

Ma’lumotlarga ko‘ra, Arcfox αS 2021-yil boshidan sotuvga chiqishi mumkin.

Izoh
Asosiy yangiliklar
Mahalliy
Xorazmda ikki kishi is gazidan vafot etdi
Mahalliy
Virtual kartalar nima va ulardan qanday qilib to‘g‘ri foydalanish mumkin?
Dunyo
Twitter ofisida xodimlar uchun karavotlar paydo bo‘ldi, Ilon Mask avvalroq me’yoridan ortiqcha ish bo‘lishi haqida ogohlantirgandi